Ich hoͤre aber die vogel singen

Textdaten
Autor: Gottfried von Neifen
Illustrator: {{{ILLUSTRATOR}}}
Titel: Ich hoͤre aber die vogel singen
Untertitel:
aus: UB Heidelberg 35v und UB Heidelberg 36r
Herausgeber:
Auflage:
Entstehungsdatum: 13. Jahrhundert
Erscheinungsdatum: Vorlage:none
Verlag: Vorlage:none
Drucker: {{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle: UB Heidelberg und UB Heidelberg
Kurzbeschreibung:
Mit aufgelösten Lettern. Vergleiche auch Ich hoͤꝛe aber die vogel ſingen in Originallettern.
Wikipedia-logo-v2.svg Artikel in der Wikipedia
Eintrag in der GND: {{{GND}}}
Bild
[[Bild:|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]

[35v]

Ich hoͤre aber die vogel singen·
in dem walde sv̊sse erklingen·
dringen· siht man blv̊men durh dc gras·
was dú svmer wnne in leide·
nv hat aber dú liebe heide·
beide· blv̊men vnd rosen rot·
meige kvmt mit maniger blv̊t·
tv̊t· mir wol dv́ minnenkliche·
seht so wirde ich froͤideriche·
svnder not vil maniger sorgen fri·

Gvnde mir dú seldebere·
dc ir trost mir froͤide bere·
swere· wolde ich sender siecher lan·
han ich trost der ist doch cleine·
sin entroͤste mich alleine·
reine· selig wip nv troͤstet bas·
minne hilf es ist an der zit·
sit· min trost lit an der svͤssen·
so mag si mir swere buͤssen·
nv dvrh was tv̊t si mir alse we·

Ob ir roter mvnt mir gvnde·
dc sin kvs die not enbvnde·
wnde· von der minne wrde heil·
heil gelúke selde vnd ere·
het ich sender iemer mere·
here· selig wib nv troͤstent bas·
owe svͤsser roter mvnt·
wnt· wart ich von dinen schvlden·
do ich der lieben mvͤste hulden·
dc sint leit dú mih noh machent gra·

Wunder kanst dv suͤssú minne·
minne in diner gluͤte ich brinne·
sinne· herze mv̊t hast dv mir hin·
in min herze svnder lǒgen·
sach ein wib mit spilnden ǒgen·
tǒgen· dannoh was ich vil gemeit·
herzen trvt nv tv̊t so wol·
sol· ich sender fro beliben·
so svlt ir von mir triben·
selig wip die not so wirde ich fro·

Wie zimt nv der svͤssen heren·
dc si mich kan truren leren·
meren· moͤhte si wol froͤide mir·
ir vil minnekliches lachen·
kan mir [36r] sendes truren swachen·
machen· moͤhte si mich sorgen bar·
owe suͤsser roter mvnt·
wnt· bin ich an hohgemvͤte·
roter mvnt dvr dine gvͤte·
nv sprich dar dv weist wol mine bette·