Iarlanc wil dú heide· mit leide

IArlanc wil dú heide· mit leide·
vꝛijen vn̄ enploͤzen ſich·
liehter blv̊mē wūneklich·
die d̾ ſvͤſſe meie kvnde bꝛingē·
walt vō dinē kleide· nv ſcheide·
gruͤner^{[WS 1]} lǒber dv v̾ſpꝛich·
des wil rife twingē dich·
vn̄ d̾ ſne mit angeſt b̾nden dingen·
lerche troͤſchel nahtegal·
amſel vn̄ galand̾·
húre mit ein ander· wol ſvngē
die nv ſwigent vb̾ al·
manigē froͤiderichen ſchal·
hat dv́ kalte wint̾ zit v̾dꝛungē·

Swer mit liebē wibē· v̾tribē·
ſol die langē wint̾zit·
hei wc dē wūnen git·
mīne bi den h̾ze ſvͤſſen frǒwen·
wer mac vō ir liben· geſchꝛibē^{[WS 2]}·
wc an in gewīnes lit·
vn̄ froͤide an allē ſtrit·
wā ſol wib fúr liehte blv̊mē ſchowen·
vn̄ fúr d̾ vogel ſanc·
wiblich koſen hoͤrē·
got in ſinē koͤꝛen· zemv̊te
wc vil wol do ſin gedanc·
reinú wib an allen wanc·
ſchv̊f dem man zeſeldē vn̄ zegv̊te·

Ich wil vmb ein lehē· nv flehen·
frowē húbeſch vn̄ frůt·
dc ir edelú mīne gv̊t·
argē h̾ren als nv́tze w̾dē mvͤſſe·
ſam ein ſtift der zehen· ſwer vehen·
kvnne tvgentrichē mv̊t·
dē w̾de iemer voꝛ behv̊t·
hohgelopter wibe mīne ſvͤſſe·
ſwer niht ere^{[WS 3]} meinen kan·
wie ſol d̾ gemīnē·
reines wib mit ſinnē· getrúwen·
wiſſent dc vnertic man·
lieb vō grunde nie gewan·
wan ſin trútē bꝛīget leides rúwen·

Anmerkungen (Wikisource)

1. Vorlage: gruͤne.
2. Vorlage: geſchꝛibe.
3. Vorlage: eren.