Hat ieman sin so snellen
[424v]
Hat ieman sin so snellen·
der tv́te ein ellich zenter mir
da nach die paralellen[WS 1]
zwen orienten dest min gir
des[WS 2] vúnfte wesens[WS 3] schin
wie sich dar inne mane·
nv klein erzeiget vnd nv gros·
doch wandelvnge ane
da nah den himel luft[WS 4] genos
vnd danne den kristallin[WS 5]
der tút[WS 6] ǒch wie zediacus
zwelf valt[WS 7] die svnne halte[WS 8]
vnd wie polus enpireus
des svnnen taches walte[WS 9]
vnd wie dv́ erste· sache
in schepfvngen[WS 10] dur die· welt
wúrk· vnd wunder mache
vnd wie sich wege· der erste ring
der beslúzet ellú ding·
[425r] Swie swerer last sich neiget
ze der erden zenter wa das stat·
vnd wie sich vmbeweiget·
der himel ob dem niht enist
des mir dú schrift· vergiht
klar hitzig svnnenblig·
des manen kelte des regens sprat
der bernde wint erkiket·
planeten kraft ir lǒfes vrist[WS 11]
min kvnst vermisset niht
wie lv́htet himel· sternen kraft
der erde hilfe bringet
dc es ir svͤze hohgeschaft
dvrh blv̊t in vruͤhte[WS 12] dringet
wa elemente· sich ruͤrent
wa swer· wa liht waheis wa kalt
wies vs nature fuͤrent[WS 13]
lebendig geschepfde· manigvalt
gar wunderlich gestalt·