Hat iemā ſin ſo ſnellē

Hat iemā ſin ſo ſnellē·
d̾ tv́te eī ellich zent̾ mir
da nach die paralellē^{[WS 1]}
zwen oꝛientē deſt min gir
des^{[WS 2]} vúnfte weſens^{[WS 3]} ſchin
wie ſich dar īne mane·
nv klein erzeiget vn̄ nv groſ·
doch wandelvnge ane
da nah dē himel luft^{[WS 4]} genoſ
vn̄ dāne dē kriſtallin^{[WS 5]}
d̾ tút^{[WS 6]} ǒch wie zediacuſ
zwelf valt^{[WS 7]} die ſvnne halte^{[WS 8]}
vn̄ wie polus enpireuſ
deſ ſv̄nen tacheſ walte^{[WS 9]}
vn̄ wie dv́ erſte· ſache
ī ſchepfvngē^{[WS 10]} dur die· welt
wúrk· vn̄ wūd̾ mache
vn̄ wie ſich wege· d̾ erſte rīg
d̾ beſlúzet ellú dīg·

Swie ſwerer laſt ſich neiget
ze der erden zent̾ wa das ſtat·
vn̄ wie ſich vmbeweiget·
d̾ himel ob dem niht eniſt
deſ mir dú ſchꝛift· v̾giht
klar hitzig ſvnnēblig·
des manē kelte des regenſ ſpꝛat
der b̾nde wint erkiket·
planeten kraft ir lǒfeſ vꝛiſt^{[WS 11]}
mī kvnſt v̾miſſet niht
wie lv́htet himel· ſt̾nen kraft
der erde hilfe bꝛinget
dc eſ ir ſvͤze hohgeſchaft
dvrh blv̊t in vꝛuͤhte^{[WS 12]} dꝛinget
wa elemēte· ſich ruͤrēt
wa ſwer· wa liht waheis wa kalt
wieſ vs nature fuͤrent^{[WS 13]}
lebendig geſchepfde· manigvalt
gar wūderlich geſtalt·

Anmerkungen (Wikisource)

1. Vorlage: parabellē.
2. Vorlage: d̾.
3. Vorlage: weſent.
4. Vorlage: luſt.
5. Vorlage: kriſtallen.
6. Vorlage: tůt.
7. Vorlage: welf walt.
8. Vorlage: halt.
9. Vorlage: waltet.
10. Vorlage: ſchepfe ivngē.
11. Vorlage: vꝛiſtē.
12. Vorlage: vuͤhte.
13. Vorlage: fuͤret.