Habe ich si da vúr niht erkorn

Habe ich si da vúr niht erkorn·
dc al dú froͤide min·
niht anders si wan an ir gebe·
so si min dienest gar verlorn·
vnd mvͤsse ǒch ane sin·
ir lones die wile ich lebe·
dc were doch ein leit·
dc lange mvͤse wern·
mit sender arbeit·
ob ich des solte enbern·
ich wil des besten mich versehen·
vergat si mich des si veriehen·
dc weis got dc mv̊s svnder minen danc geschehen·

Gedanken wil ich iemer sin·
als ich von rehte sol·
si habent mir liebes vil getan·
ǒch hat ein wan dc herze min·
gemachet froͤiden vol·
als es mich moͤhte do vervan·
gedingen den het ich·
von in beiden ie·
was mohten si dc mich·
dú were schvlde vergie·
es wc in leit vnd tet mir we·
ie doch so wil ich rehte als ê·
die zit mit in vertriben hin wirt mirs niht me·