Habe ich ſi da vúr niht erkoꝛn

Habe ich ſi da vúr niht erkoꝛn·
dc al dú froͤide min·
niht anders ſi wan an ir gebe·
ſo ſi min dieneſt gar v̾loꝛn·
vn̄ mvͤſſe ǒch ane ſin·
ir lones die wile ich lebe·
dc were doch ein leit·
dc lange mvͤſe wern·
mit ſender arbeit·
ob ich des ſolte enb̾n·
ich wil des beſten mich v̾ſehen·
v̾gat ſi mich des ſi v̾iehen·
dc weis got dc mv̊s ſvnder minē danc geſchehen·

Gedanken wil ich iemer ſin·
als ich vō rehte ſol·
ſi habent mir liebes vil getan·
ǒch hat ein wan dc h̾ze min·
gemachet froͤidē vol·
als es mich moͤhte do v̾van·
gedingē den het ich·
vō in beiden ie·
was mohtē ſi dc mich·
dú were ſchvlde v̾gie·
es wc in leit vn̄ tet mir we·
ie doch ſo wil ich rehte als ê·
die zit mit in v̾triben hin wirt mirſ niht me·