Got hat adam vnd even geben ime paradýse wunnen vil

Textdaten
Autor: Bruder Wernher
Illustrator: {{{ILLUSTRATOR}}}
Titel: Got hat adam vnd even geben ime paradýse wunnen vil
Untertitel:
aus: UB Heidelberg 345r, UB Heidelberg 345v und UB Heidelberg 346r
Herausgeber:
Auflage:
Entstehungsdatum: 1225–1250
Erscheinungsdatum: Vorlage:none
Verlag: Vorlage:none
Drucker: {{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle: UB Heidelberg, UB Heidelberg und UB Heidelberg
Kurzbeschreibung:
Mit aufgelösten Lettern. Vergleiche auch Got hat adam vn̄ even gebē ime ꝑadýſe wūnen vil in Originallettern.
Eintrag in der GND: {{{GND}}}
Bild
[[Bild:|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]


[345r]

Got hat adam vnd even geben ime paradýse wunnen vil·
adame tet er vndertan gar wilde vnd zam bis vf ein zil·
ein obs dc dv soldest miden dur selhe vngemach·
der slange es even essen hies nv êsse dvs ǒch vf ir rat·
mir ist niht leit das dvs niht eine engvlte· vnd es dú werlt niht kvmber hat·
es kam also dc einem ivgen kúnige alsam geschach·
dem ǒch der krone wc gedaht·
richeit vnd ere wan dc er niht wolde miden·
einen schalk dem hat der tiefel valschen rat ze mvnde braht·
da von si beide ein svres mv̊sten liden·
svn wir engelten des vnd dc adam vnd eve den apfel as·
so engulte ich des ich nie genos got herre fuͤge ins alles bas·

Gregorie babest geislich vatter wache vnd brich abe dinem slaf·
dv wende dc in froͤmder weide irre lǒfent dinú schaf·
es wahset ivnger wolue vil in trugelicher wat·
lamparten glv̊t in ketzerheit warvmbe leschest dv dc niht·
dc man so vil der diner schafe in ketzer vůre weide siht·
si schenkent dir von golde ein trank dc dich in sv́nden lât·
dem keiser hilf sin reht behaben·
dc hoͤhet dich vnd alle geislich orden·
gedenke wol dc got die marter vmb vns leit vnd wart begraben·
la zwischen dir vnd im niht hasses horden·
so wirt der vride vnd der gelǒbe stark vnd nimt niht abe·
so svln wir pruͤuen eine vart vúr sv́nde hin zegotes grabe·

Owe der manigvalten not dú alder werlte kv́nftig ist·
wan siht vs schonen frowen vnd vs kv́nigen werden swachen mist·
ir vil minneklicher schin wirt bitterlich gestalt·
solde es da mit ein ende han dc were der sele ein selekeit·
der lib im senfte hat erkorn vúr iemer wernde wunne breit·
es wirt ein widerwehsel dort mit rúwe manigvalt·
es were ob nieman lêge tot·
vnd ǒch der helle wîsse niht enwere·
wir moͤhten fúrhten doch dc alter dast ein tegelichú not·
dc liebe kint sins vater wol enbere·
swenne er den lúten widerstat dc alter kvmt mit mangem schaden·
nv sich vf werlt des get dich not dv bist mit iamer vberladen·

Da mitte wir nv sin geborn·
da mitte mv̊s ǒch ende sich·
die engel blasent vf ir horn·
ze ivngest also dunket mich·
da mv̊ssen wir zebv̊sse stan der sv́nden dc ist reht·
ist aber ich genaden da· so spricht dú iemerliche schar·
ia da ist genaden vil· swer si zerehte bringet dar·
wan siht in einer wirde da· den herren vnd den kneht·
got sprichet dis leit ich dur dich·
mine wunden blv̊ten mir vil sere·
wir leben in der werlte in vriem mv̊te· dc erbarme dich
herre got dvr diner marter ere·
dc vns niht geschehe als in wir sparens vf den lesten tag·
wir setzen hie dú hohú pfant div nieman dort er loͤsen mag·

So starken man ich nie gesach vnd wene ǒch nieman si bekant·
der eine mvge ertwingen vil der hohen búrge vnd witú lant·
hat er der helfe niht· er mag an beiden missevarn·
die lúte sint zegrosser not vnd ǒch bi kvrzewile gv̊t·
es si ein man der gerne iaget dc ir den hvnden liebe tůt·
dc si ze růre vnd vf der verte kvnnen sich bewarn·
sit dc man hvnde lieben sol·
dc si vf der rehten vart iht vmbekeren·
so zimt ǒch werdú handelunge an vnverzagten lúten wol·
die helfent vil gewaltes vnd maniger eren·
betwungen dienst durh vorhte ein frúnt da ist der liebe gar geswigen·
swer holden frúnt an strite hat der mag wol vienden an gesigen·

Gevatter vnd fúlizant an grossen noͤten sint zeswach·
smehe viende vnd kleine wunden dike fuͤgent vngemach·
hat swach geburt gros vbermv̊t da kiesent toren bi·
manig zvnge sprichet svͤsse wort da doch der angel stichet dar·
ein wise man der minnet got swc er geret dc lat er war·
hat richer man verschanten mv̊t· der ist gar eren vri·
dú schame ist vor der zvngen gůt·
zuht eret wol den alten vnd den ivngen·
ein schoͤne wib mit reinen sitten· git werdem manne hohen mv̊t·
gv̊t hat der minne reht ein teil verdrvngen·
swer git der ist lieb dc han ich an den swarzen bůchen wol erlesen·
sit sich dú werlt hie hat verschamt so schaffen dc wir dort genesen·

Swer kostekliche ein schoͤne hvs mit holze rehte entworfen hat·
die súle gros die wende stark vf dremel wol gedilet stat·
gespenget wol vnd dc die tv́rn mit slossen Jite|345v||||x}} sin bewart·
der virst in rehter masse erhaben mit starken hengelbǒmen sleht·
dar vf mit latten wol gestroͤit an hoͤhe vnd an der wite reht·
ob es nv gar bereitet si mich dvnket an der vart
lat ers beliben ane dach·
die tremel sv́le vnd ǒch die starken wende·
dc wurde ein niht ich wene ich ir eines wilent ze wiene sach·
dc nam da von vil lasterlich ein ende·
als es dú nesse vnd ǒch der sne mit winde vnd ǒch mit tache ergreif·
si schv̊fen dc in kvrzer vrist an eren es vil gar zersleif·

Genv̊ge herren hant sich so geswachet des ich in erban·
si mv̊ssen dienen ane dank· ob ichs rehte erkennen kan·
in ist geschehen als einem blinden der den kneht veriaget·
swa nieman wan die zwene sint da mv̊s der blinde alleine stan·
zehant gerúwet in dú vart· als er der wege niht kan gegan·
dc mein ich an die herren die nv leider sint verzaget·
an einem kúnige der ir pflag·
vnd richet al da her vil wilekliche·
owe war kan ir mannes mv̊t wie hohe er herren dienest wag·
si lobent lihte ein ergers sicherliche·
si hant in selben in den fv̊s gesteket einen wessen dorn·
nv hinkent lieben herren sit wir han den milten kúnig verlorn·

Ich weis der herren manigen vnd hete ich ir eines gv̊t·
ich wolde bas vor schande sin behv̊t·
ich wolde ǒch bc die sele vor des túuels banden nern·
ich wolde ǒch varnde gv̊t dur got vnd ere bc verzern·
ich wolde ǒch valscher eide von herzen lúzel swern·
gedultig sin gegen frúnden vnd gegen vienden hohgemv̊t·
ich wolde ǒch rehter vůre pflege·
vnd wolte die valschen lan vnreht gewinnen gv̊t·
des wolde ich mich vil gar bewegen·
mich dvnket dc were alles wolgetan·
ich wolde ǒch hassen boͤsen rat die schalke den lúten zorn traget·
da mite die herren wurden wert swie lútzel mans in vor gesaget·

Wan siht vil dike an manger stat dc wib gewaltes pfliget·
vnd dc ir selten wiben man ir strites an gesiget·
ein mennin man der vnderstvͤnde des gewaltes vil·
der spreche frowe du solt niht anders tůn wan dc ich wil·
la mich mit dir geliche ziehen in der eren sil·
ein wib dú gůte witze habe dú teile ir manne mitte·
also dc im in wibes gvͤte gebe getrúwen rat
dc er sich wende an werdekliche sitte·
in hohen mv̊t ein mennin man· in suͤsser kúsche ein reines wib·
der name ir orden wol gezimt vnd ist gelobt ir beider lib·

Man giht dc nieman edel si wan der edellchen tůt·
vnd ist dc war des mvgen sich wol genv̊ge herren schamen·
die niht vor schanden sint behv̊t·
ia wont in valsch vnd erge bi·
dú zwei verderbent milte vnd ere vnd ǒch den edelen namen·
ǒwe dc er ie gv̊t gewan·
der sich die schande vnd erge lat von mangen eren dringen·
der solte sehen die armen wol gemv̊ten an·
wie die nach ganzen wirden kvnnen ringen·
ein armer der ist wol geborn·
der rehte vůre in tvgenden hat·
so ist er vngeslahte gar swie riche er si der schanden bi gestat·

Merkent an dem svmer gv̊t wc er der werlte froͤiden git·
manig wurze vnd ǒch ir krut heide vnd walt gezieret lit·
dú vogelin hoͤhent ir gesang der himel reinget sich·
des sol der werkman geret sin· der ellú bilde schepfen kan·
dc reine wib ir liebes kint[WS 1] dar zv̊ den wolgemv̊ten man·
zahi des liehten meien blik vil schoͤnen dunket mih·
swie lange ir in der wirde sit·
vil schiere kvmt ein rife mit getwange·
der velwet blv̊men vnd verkeret sich dú wunnekliche zit·
vnd scheident sich die vogel mit ir sange·
wibes schoͤne vnd mannes kraft sint in der wirde niwan drizig iar·
so leit dú erge an dich ir strik des nim in diner mvͤde war·

Merkent war ein blinde ge verlúset er den kneht·
dem sint die ruchen fúr antwerk alse die strassen sleht·
im ist dú tiefe als der furt wil er dem wasser nahen·
im ist dú vinster naht gelich als der liehte tag·
der enweders ane wisel niht erkennen mag·
er struchet bi der svnnen schin· wil er zebalde gahen·
des mag ich im gewissen niht·
es ist so maneger blint mit liehten ǒgen
der wol dc vn everte bi im vf der strassen siht·
vnd irre vert in schanden svnder lǒgen·
wir leigen han die wisel florn· die vnser solten pflegen·
nv grifen selbe nach den pfaden wir struchen bi den wegen·

ES wenet maniger dc er si·
dc er nie [346r] wart· noch niemer wirt·
vnd lebt doch in dem wane also vil gar nach gǒches sitten·
da bi in ere gar verbirt·
er ist ǒch hǒbet tvgenden vri·
dem ist sin mv̊t zekurz zelang· zesmal zebreit gesnitten·
ern wil sich niender fuͤgen hin·
dar er wol horte vnd ie doch von allen rehte were·
er wil sich zuken fúr dc heisse ich toren sin·
kvmt er zehove da seit er sin lvgelichen mere·
er hie er dort er dort er hie· svs kan erwenken dvr dc iar·
er vohe er fuhs· mit boͤser kv́ndekeit wenet er sich tv́ren gar·

Sit got vs siner hantgetat· wol schaffet swas er herre wil·
vnd nieman des sin meister ist· vnd nie sin meister wart·
vnd doch des nieman git ein zil·
sit ichs in sinne han die stat·
swenne er vns wil gebieten· vf die langen hervart·
da mehten wir toren kiesen bi·
dc wir vns niht mit vlize enzit vf die selben reise wol reiten·
vnd ir doch nieman zweihvndert iare wirdet vri·
e sol der iegeslich sinnig man· erbarmdige leiten·
die im fúr angest hvlfen fúr swenne er sich mv̊s der vart bewegen·
da sol min kristes mv̊ter wol vnd der getrúwe sant Johannes pflegen·

Got dvr der werlte misse tat· ein dúrnin krone trůg·
do in dú vngetǒfte diet mit nageln an dc krúze slůg·
her keiser niget im sit er úch so gehoͤhet hat·
sit ir der kristen krone tragent dien er zetroste gos sin blv̊t·
so merket was ir selden habt vnd wc er wunders dur úch tůt·
so richtet ǒch mit der krone dc der sele werde rat·
hoͤret ir die armen schrien we·
von vngerihte wie stat dc dem riche·
so fúrhte ich dc gelúkes rat· noch vor dem riche stille ste·
ir rihtet hie so tůt ir selekliche·
sit dc wir alle hoͤren von gerihte dc ze púlle sagen·
so rihtet ǒch hie dc wirt ú lieb e dc úch die viere zem grabe tragen·

Anmerkungen (Wikisource)

  1. Vorlage: kin.