Dv́ milte dē adel wol an ſtat

Dv́ milte dē adel wol an ſtat·
dv́ milte wol bi gúlte zimt·
dú milte mā megde vn̄ wib·
wol zieret vn̄ túret·
dv́ milte loͤſchet miſſetat·
dú milte ſchandē vil benimt·
dv́ milte w̾deſ h̾rē lib·
mit hohem ṕſe ſtúret·
dú milte reineſ h̾zē grunt·
mit māiger tvgēt dvrflanzet vn̄ dvrzwiet·
dú milte vant d̾ gaben vunt·
dv́ milte w̾deſ lob mit riche vꝛiet·
biſ milte mēſche ſit dir hat·
die goteſ milte alſo vnd̾tan gemachet·
ſwc flúget flúzet ſwebt vn̄ gat·
dv̊ſt dv deſ niht din ere wirt geſwachet·

Dv́ kerge iſt hoh̾ erē gram·
dv́ kerge tvgendē vil v̾irt·
dú kerge iſt nideſ gitekeit·
ein vb̾flúſſig vas·
dv́ kerge winket ſvnd̾ ſcham·
dv́ kerge ſýmonie^{[WS 1]} birt·
dv́ kerge gegē d̾ milte treit·
den iem̾w̾nden haſ·
dv kerge ivgēt vn̄ alt̾ gris·
hoh vn̄ nid̾ entwirdet vn̄ vneret·
...
...
dú kerge iſt als vnreiner art·
vn̄ alſe gar vō goteſ gvnſt gewēdet·
ſwc kerge in laſt̾ lange ſpart·
dc wirt ſnelle ofte laſterlich v̾ſwendet·

Nit^{[WS 2]} ſv́nde ſtiftet ane zal·
nît wúrſet wirſ dāne gift bekoꝛt·
nît loͤſchet vꝛide vn̄ weket zoꝛn·
nît wendet manig gv̊t·
nît ſchv̊f deſ erſtē engelſ val·
ſich hv̊b dvr nit d̾ erſte moꝛt·
dvr nit wirt meineſ vil geſwoꝛn·
nit vuͤget vb̾mv̊t·
bi nide lat ſich valſcher rat·
mit gitekeit vn̄ mit vntrúwe vindē·
rǒb vn̄ bꝛant vn̄ manige vntat·
mit haſſe wellēt zv̊ nide^{[WS 3]} ſich geſindē·
nit lieſ ſich eine vindē nie·
nît ſtet geſchart mit manig̾ hǒbetſv́nde·
nit pinet doꝛt vn̄ krenket hie·
nit fuͤrt die nid̾ in der helle grúnde·

Anmerkungen (Wikisource)

1. Vorlage: ſýmoīe.
2. Vorlage: Mit.
3. Vorlage: zwo megde.