Doctor Brants Narrenschiff/Von schlechten Schützen

« Von unnützem Jagen	Sebastian Brant Doctor Brants Narrenschiff	Von falschen Bühnen »
fertig Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).

Wer schiessen will / der lu^og vnd triff
Dann du^ot er nit die rechten griff
So schüßt er / zu^o dem narren schiff

Von bosen schützen.

Wolt es die schützen nit vertryessen
Ich richt ouch zu^o / eyn narren schyessen
Vnd macht eyn schützreyn / an dem staden
Des mancher fa^elt / nit on syn schaden

5

Dar zu^o sint goben ouch bestelt

Der nehst bym zyel / der selb der helt
Zu^om mynst er zu^o verstechen kumbt
Doch lu^og er / vnd heb nit jnn grundt
Noch jn die ho^eh / sunder jnns zyl

10

Wann er den zwa^eck sunst ru^eren will

Vnd du^eg syn anschlag nit zu^or yl
Vil sint die schiessen über vß
Eym bricht der bogen / senw / vnd nuß
Der du^ot am anschlag manchen schlypff

15

Dem ist verruckt stu^ol oder schyppff

Dem loßt das armbrust / so ers ru^ert
Das schafft der wyndfad ist geschmyert
Dem sta^eckt das zyl nit glich als ee
Vnd kan syn gemerck nit haben me

20

Der hat gemacht gar vil der schütz

Die jm doch sint gantz wenig nütz
Das schafft / jm würt die suw kum wol
Wann man zu^o letst verschiessen sol
Keyn schütz so wol sich yemer rüst

25

Er fynd allzyt / das jm gebrüst

Dann diß / dann jhens / do mit er hett
Eyn wo^erwort / das syn glympff errett
Wann er nit hett gefa^elt dran
So hett er fry / die gob behan /

30

Vor vß / weiß ich noch schützen mer

Wann die eyn schyessen ho^eren verr
Do hyn von allenden landen lüt
Zu^o zyechen vff bestymbte zytt
Die besten die man fynden kan

35

Der eynr die gob kum vor wolt han

Dann er all schuß / halt an dem zwa^eck
Das eyner dann ist so eyn ga^eck
Der weißt / das er nütz gewynnet gar
Vnd dannaht do hyn ziehen tar

40

Vnd do versu^ochen ouch syn heyl

Ich nem syn zerung / für syn teyl /
Ich will des gelts jm do^eppel geschwigen
Die suw würt jm jnn ermel schrigen /
Zu^or wißheyt mancher schiessen will

45

Vnd wenig treffen doch das zyl

Das schafft / man seygt nit reht dar noch
Der halt zu^o nider / der zu^o hoch
Der loßt sich bringen vß dem geseyg
Dem bricht syn anschlag gantz entzwey

50

Der du^ot als Jonathas eyn schuß

Dem fert syn anschlag hinden vß
Wer wißheyt eben treffen will
Der durfft / das er hett solche pfil
Der Hercules hatt me dann vil

55

Mit den er traff alls das er bgerdt

Vnd was er traff / viel dott zu^or erdt
Wer recht zu^or wißheit schiessen will
Der lu^og das er halt moß vnd zyl
Dann fa^elt er / oder hebt nit dran

60

So mu^oß er mit den narren gan

Wer schiessen will vnd fa^elt des reyn
Der dreit die suw jm ermel heyn
Wer jagen / stechen / schissen will
Der hat kleyn nutz / vnd kosten vil

Ritter Peter von alten joren
Ich mu^oß üch griffen an die oren
Mir gdenckt / das wir beyd narren woren
Wie wol / jr fu^eren ritters sporen

Von grossem ruemen

Die ga^ecken / narren / ich ouch bring
Die sich beru^emen hoher ding
Vnd wellent syn / das sie nit sint
Vnd wa^enen / das all welt sy erblindt