Doctor Brants Narrenschiff/Von offenkundigen Anschlägen

« Von unfolgsamen Kranken Sebastian Brant
Doctor Brants Narrenschiff
Sich an Narren stossen »
fertig
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).


[49v]

Wer oefflich schlecht syn meynung an
Vnd spant syn garn für yederman
Vor dem man sich lycht huetten kan



Narrenschiff (Brant) 1499 pic 0040.jpg

Von offlichen anschlag


Eyn narr ist wer will fahen sparen
Vnd für jr ougen spreit das garn
Gar licht eyn vogel flyegen kan
Das garn / das er sicht vor jm stan

[50r]

5
Wer nüt den trowen duot all tag

Do sorg man nit / das er vast schlag
Wer all syn raet schlecht oefflich an
Vor dem huet sich wol yederman /
Hett nit entfrembt sich Nycanor

10
Vnd anders gstelt / dann er dett vor

Judas hett nit gmerckt syn gemuet
Vnd sich so bald vor jm gehuet /
Das dunckt mich syn eyn wiser herr
Der syn sach weiß / sunst nyemans mer /

15
Vor vß do jm syn heyl lyt an

Es will yetz raetschen yederman
Vnd triben sollche kouffmanschatz
Die vornen leck / vnd hinden kratz
Ich halt nit für eyn wysen man

20
Wer nit syn anschlag bergen kan

Dann narren rott / vnd buoler werck /
Eyn stat gebuwen vff eyn bergk
Vnd strow das jn den schuohen lyt
Die vier verbergen sich keyn zyt

25
Eyn armer bhalt woll heymlicheyt

Eyns richen sach / würt wyt gespreit
Vnd würt durch vntruw hußgesind
Geoeffnet vnd vßbrocht geschwind /
Eyn yedes ding kumbt lychtlich vß

30
Durch die / by eym syndt jn dem huß

Zuo schaden ist eyn boeser vindt
Dann die staets by eym wonent syndt
Vor dem man sich nitt huetten duot
Bringen doch vil / vmb lib vnd guot