Hauptmenü öffnen

Doctor Brants Narrenschiff/Von gedrückten Narren

< Doctor Brants Narrenschiff
« Von Spielern Sebastian Brant
Doctor Brants Narrenschiff
Reuter und Schreiber »
fertig
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).


[105v]

Vil narren sint jn disem druck
Die doren sint / jnn manchem stuck
Den sitzt der esel vff den ruck


Narrenschiff (Brant) 1499 pic 0078.jpg

Von gdruckten narren


So vil sint jn dem narren orden
Das ich schyer wer versessen worden
Vnd hett des schiffes mich versumbt
Haett mir der esel nit gerumbt

[106r]

5
Ich bin der den all ding duont drucken

Will mich recht jnn winckel schmucken
Ob mich der esel wolt verlon
Vnd nit staets vff mym rucken ston
Wann ich alleyn gedult dar zuo hab

10
Hoff ich / des esels kumen ab

Doch hab ich sunst vil gesellen guot
Die druckt als das mich drucken duot
Als der nit volget guotem rott /
Wer zürnet / so es nit ist nott

15
Wer vnglück koufft / wer trurt on sach

Wer lieber krieg hat / dann gemach
Wer gern sicht muotwill syner kynd
Wer halt syn nochbuwr nit zuo fründ
Wer lydet das jn druckt syn schuoch

20
Vnd jnn syn frow jm wynhuß suoch

Der gehoert wol jnn das narrenbuoch
Wer me verzert dann er gewynnt
Vnd borget vil so jm zerrynnt
Wer zücht syn frow eym andern vor

25
Der ist eyn narr / gouch / esel thor /

Wer gdenckt die vile / der sünden syn
Vnd was er drumb muoß liden pyn
Vnd mag doch froelich syn dar mitt
Der gehoert vff den esel nitt

30
Sunder der esel vff syn ruck

Das er jn gantz zuo boden truck
Der ist eyn narr / der sicht das guot
Vnd noch dem boesen stellen duot
Hie mit sint narren vil geruert

35
Die diser esel mitt jm fuert