Doctor Brants Narrenschiff/Von Spielern

« Von falschen Bühnen Sebastian Brant
Doctor Brants Narrenschiff
Von gedrückten Narren »
fertig
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).


[103r]

Vil hant zuo spyl grossen glust
Das sie keynr kurtzwil achten sust
Vnd merckent nit / künfftig verlust


Narrenschiff (Brant) 1499 pic 0077.jpg

Von spylern


Sunst fynd ich naerrscher narren vil
Die all jr freüd hant jnn dem spyl
Meinend / sie moechten leben nit
Soltten sie nit vmb gon mit

[103v]

5
Vnd tag / vnd nacht spyelen / vnd rassen

Mitt karten / würfflen / vnd mit brassen
Die gantz nacht / vß vnd vß sie saessen
Das sie nit schlieffen oder aessen
Aber man muoß gedruncken han

10
Dann spyel das zündt die leber an

Das man würt dürr / vnd durstes vol
Des morgens so entpfyndt mans wol
Eyner sicht wie die guoten byeren
Der ander spüwet hinder die tueren

15
Der drytt eyn varb / hat an sich genomen

Als wer er vß dem grab erst kumen
Oder glisßt jnn sym angesicht
Glich als vor tag eyn schmidknecht sicht
Den koppff hat er also gebyent

20
Das er den gantzen tag vff gyent

Als ob er flyegen vohen wolt
Keiner verdienen moecht groß goltt
Das er an eyner predig saeß
Eyn stund / vnd er des schloffs vergaeß

25
Er würd den koppff schlagen jnn goeren

Als ob der prediger vff solt hoeren
Aber jm spyel gar lange zyt
Sitzen / acht man des schloffes nüt /
Vil frowen die sint ouch so blindt

30
Das sie vergessen wer sy sint

Vnd das verbieten alle recht
Sollich vermischung beider geschlecht
Die mit den mannen sitzen zamen
Ir zuocht / vnd gschlechtes sich nit schamen

[104r]

35
Vnd spielen / rasslen / spat / vnd fruo

Das doch den frowen nit stat zuo
Sie soltten an der kunckel laecken
Vnd nit jm spyel byn mannen staecken
Wann yeder spielt mit sinem glich

40
Durfft er des mynder schammen sich

Do Alexanders vatter wolt
Das er vmb goben louffen solt
Dann er zuo louffen vast geng was
Sprach er zuo synem vatter das

45
Billich waer / das ich alles daet

Das mich myn vatter hieß vnd baet
On zwifel ich gern louffen wolt
Wann ich mit künngen louffen solt
Man dürfft dar zuo nit betten mich

50
Wann ich hett yemans mynen glich

Aber es ist yetz dar zuo kumen
Das pfaffen / adel / burger / frummen
Setzen an koeppels knaben sich
Die jnn nit sint an eren glich

55
Vor vß die pfaffen mit den leygen

Soltten ir spyel lon vnderwegen
Wann sie echt wol betrachten das
Ir vffsatz / vnd den alten haß
Der Nydthart ist sunst vnder jnn

60
Der roegt sich mit verlust vnd gwynn

Vnd ouch das jnn verbotten ist
Keyn spyel zuo tün zuo aller frist
Wer mit jm selber spyelen kan
Dem gwynnt gar selten yemans an

[104v]

65
Vnd ist on sorg das er verlyer

Oder das man jm fluoch boeß schwuer
Die wile ich aber sagen sol
Was stand eym rechten spyeler wol
Will ich Virgilium har bringen

70
Der also redt von selben dingen

Veracht das spyel zuo aller zytt
Das dich nit btrueb der schantlich gytt
Dann spyel ist eyn vnsynnig bgyr
Die all vernunfft zerstoert jnn dir

75
Ir dappfern / hueten üwer ere

Das üch das spyel die nit verser
Eyn spieler muoß han gelt vnd muot
Ob er verlürt / das han für guot /
Keyn zorn / fluoch / schwuer / vß stossen gantz

80
Wer gelt bringt / der luog wol der schantz

Dann mancher zuo dem spiel kumbt schwaer
Der doch zür tueren vß gat laer
Wer spielt alleyn durch grossen gwynn
Dem gat es seltten noch sym synn

85
Der hat guot fryd / wer spielet nitt

Wer spielt der mueß vff setzen mitt
Wer all ürten besitzen will
Vnd suochen glück vff yedem spyl
Der muoß wol vff zuo setzen han

90
Oder gar dick on gelt heym gon /

Wer dryg suecht hat / vnd stelt nach mir
So werden vnser schwestern vier /
Spyl mag gar selten syn on sünd
Eyn spieler ist nit gottes fründ

95
Die spieler sint des tüfels kynd

[105r]

65
Vnd ist on sorg das er verlyer

Oder das man jm fluoch boeß schwuer
Die wile ich aber sagen sol
Was stand eym rechten spyeler wol
Will ich Virgilium har bringen

70
Der also redt von selben dingen

Veracht das spyel zuo aller zytt
Das dich nit btrueb der schantlich gytt
Dann spyel ist eyn vnsynnig bgyr
Die all vernunfft zerstoert jnn dir

75
Ir dappfern / hueten üwer ere

Das üch das spyel die nit verser
Eyn spieler muoß han gelt vnd muot
Ob er verlürt / das han für guot /
Keyn zorn / fluoch / schwuer / vß stossen gantz

80
Wer gelt bringt / der luog wol der schantz

Dann mancher zuo dem spiel kumbt schwaer
Der doch zür tueren vß gat laer
Wer spielt alleyn durch grossen gwynn
Dem gat es seltten noch sym synn

85
Der hat guot fryd / wer spielet nitt

Wer spielt der mueß vff setzen mitt
Wer all ürten besitzen will
Vnd suochen glück vff yedem spyl
Der muoß wol vff zuo setzen han

90
Oder gar dick on gelt heym gon /

Wer dryg suecht hat / vnd stelt nach mir
So werden vnser schwestern vier /
Spyl mag gar selten syn on sünd
Eyn spieler ist nit gottes fründ

95
Die spieler sint des tüfels kynd