Doctor Brants Narrenschiff/Von Wollust

« Böses Beispiel der Eltern	Sebastian Brant Doctor Brants Narrenschiff	Heimlichkeit verschwiegen »
fertig Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).

Wollust durch eynfalt manchen felt
Manchen sie ouch am flug behelt
Vil hant jr end dar jnn erwelt

Von wollust

Wollust der welt / die glichet sich
Eym üppigen wib / die offentlich
Sitzt vff der straß vnd schrygt sich vß
Das yederman kum jnn jr huß

5

Vnd syn gemeynschafft mit jr teyl /

Dann sie vmb wenig gelt sy feyl
Bittend / das man sich mit jr u^eb
Inn boßheyt / vnd jn falscher lieb
Als gont die narren jnn jr schosß

10

Glich wie zu^om schynder gat der ochsß

Oder eyn einfalt scha^eflin geyl /
Das nit verstat / das es jnns seyl
Gefallen ist / vnd jnn die streng
Byß jm der pfyl syn hertz durch dreng

15

Gedenck narr / das es gylt din sel

Vnd du dieff fallest jnn die hell
Wann du mit jr vermeynschafst dich
Wer wollust flüht / der würt dort rich
Nit su^och zytlich wollust vnd freüd

20

Als Sardanapalus der heyd

Der meynt man solt hie leben wol
Mit wollust / freüd / vnd füllen voll
Es wer keyn wollust noch dem todt
Das was eyns rechten narren rott

25

Das er su^ocht so zergenglich freüd /

Doch hat er wor jm selbs geseydt
Wer sich mit wollust vberlad /
Der koufft kleyn freüd / mit schmertz vnnd schad
Keyn zytlich wollust würt so su^esß

30

Do von nit gall zu^o letst vß flyeß

Der gantzen welt wollustikeyt
Endt sich zu^o letst / mit bitterkeyt
Wie wol der meyster Epycurus
Das ho^ehst gu^ot setzt jnn wollust