Doctor Brants Narrenschiff/Sich unsträflich dünken

« Von Haß und Neid	Sebastian Brant Doctor Brants Narrenschiff	Von närrischen Arzneien »
fertig Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).

Wem sackpfiffen freüd / kurtzwil gytt
Vnd acht der harpff / vnd luten nytt
Der geho^ert wol vff den narren schlytt

von vngedult der straff

Eyn gewisses zeichen der narrheyt
Ist / das eyn narr nyemer vertreyt
Noch mit gedult geliden mag
Das man von wißen dingen sag

5

Eyn wyser gern von wißheyt ho^ert

Do durch syn wißheyt würt gemert
Eyn sackpiff ist des narren spil
Der harppfen acht er nit vil
Keyn gu^ot dem narren jn der welt

10

Baß dann syn kolb / vnd pfiff gefelt

Kum loßt sich stroffen der verkert
Narren zal ist on end gemert /
O narr gedenck zu^o aller fryst
Das du eyn mensch / vnd do^etlich bist

15

Vnd nüt dann leym / a^esch / erd / vnd myst

Vnd vnder aller creatur
So hat vernunfft jn der natur
Bist du das mynst / vnd eyn byschlack
Eyn abschum / vnd eyn tru^osensack

20

Was überhebst dich dins gwalt /

Dyns adels / richtu^om / jugent / gstalt /
Sidt als das vnder der sunnen ist
Vnnütz ist / vnd dem wißheyt gbrist
Wa^eger das dich eyn wiser stroff

25

Dann dich anlach eyn narrecht schoff

Dann wie eyn brennend dystel kracht
Als ist eyn narr ouch wenn er lacht /
Sellig der mensch der jn jm hat
Allzyt eyn schrecken / wo er gat

30

Der wisen hertz / truren betracht

Eyn narr alleyn vff pfiffen acht
Man sing vnd sag / man flo^eh vnd bitt /
Ab syn eilff ougen kumbt er nit
Vmb keyn stroff / ler / er etwas gitt