Do dc liehte moꝛgē rôt

Do dc liehte moꝛgē rôt·
was dvrh den gruͤnē hag gedꝛungē·
vn̄ dú vogellîn^{[WS 1]} ſvngē·
do rief ein wahter an der zinnen·
ſwer nach ſenelicher not·
An liebes h̾ze lit betwungē·
dem^{[WS 2]} ſi genv̊g geſvngē·
er wache vn̄ ile balde hinnen·
von liebe ſcheide er ſich enzit·
dc dike leit dem frúnde git·
der im zelange bi gelit·
wil er niht vō hinnē· balde keren·
ſo wil er v̾ſeren·
ſin trut an eren vn̄ an ſinnē·
Von d̾ ſtīme ein frowe gv̊t·
begvnde iamer vn̄ trurē·
in ir h̾ze mvren·
ſi ſp̋ch zir frúnde vs rotē mvnde·
lieb getrúweſ h̾zeblůt·
min troſt ob allen nahgebvrē·
froͤide mv̊s mir ſvrē·
din ſcheidē ſeret mich zegrvnde·
dú mīne iſt wūderlich gemv̊t·
ī úbel keret ſi dc gv̊t·
dc ſi zeliebe manigē tv̊t·
dc wirt an mir vil wol beweret·
mich hat dú ſoꝛge erveret·
nach froͤidē ſw̾et mir dú ſtvnde·

Mit den woꝛtē vn̄ alſus·
zenand̾ twūgē ſich mit leide·
dú geliebē beide·
der tac ſi not vn̄ angeſt lerte·
manigē h̾zeſvͤſſen kvs·
enpfiengēs vf der minne weide·
dike an vnderſcheide·
dar nah ir trurē ſich do merte·
der gaſt der gab dē moꝛgēſegen^{[WS 3]}·
lieb wart mit leide wid̾wegen·
ir hohgemvͤte wc gelegē·
zeſoꝛgen wart in der mv̊t geſpānen·
froͤide in wart v̾bannen·
der ritter dānen^{[WS 4]} trurig kerte·

Anmerkungen (Wikisource)

1. Vorlage: vogellú.
2. Vorlage: den.
3. Vorlage: moꝛgē ſegen.
4. Vorlage: dānan.