Die Schedelsche Weltchronik (deutsch):095

 

094 <<<Vorheriges Blatt	Die Schedelsche Weltchronik    Blatt XCV	Nächstes Blatt>>> 096
unkorrigiert	Dieser Text wurde noch nicht Korrektur gelesen. Allgemeine Hinweise dazu findest du bei den Erklärungen über Bearbeitungsstände.

XCIIII verso:

Johannes bapista der vorlauffer Jhesu cristi auß heiligen eltern Zacharia vnd Elisabet geporn was von seiner muter leib her geheiligt vnd vnder den su^enen der weiber (als der herr selbs bezeu^egt) kein gro^eßrer auferstanden. er was ein prophet vnnd mer dann ein prophet vnnd mer dann ein prophet. do er Cristum den erlo^eser mit eim finger zaiget sprechend. Nembt war das lamb gottes etc. vnd wiewol er nach verscheinung der vnsprechenden iar noch ein zarts vnd verlebten eltern einigs kind was yedoch ergabe er sich vmb lieb willen des himlischen vaterlands in die aynsidelschaft. Darnach im. xxx. iar seins alters vnd im. xij. iar Tiberij des kaysers (die weil poncius Pilatus der iudisch land verweset) geschah das wort des herrnn vber Johannem in der wu^estnus vnd er kom in lale gegent des Jordans verku^endende den tauff des bu^eßwerigkeit. Vnlang vor anfang der predigung Cristi wardt er gefangen vnnd gekerckert von Herode antipa den er gestraft het sprechende. Dir gezimt nit zehaben das weib deins bruders. vnd Johannes wardt auff desselben weibs anregen ein iar mit gestanck des kerckers vnnd großer hungerung gehelligt. als nach außgang des iars Herodes am tag seiner gepurt alle fu^ersten vnd die eldlern zu der wirtschaft beru^efft het. vnd die in der wirtschaft frolockten. do gaylet vnd sprang die tochter des eibs herodis also dz sie dem konig wolgefiel vnd der konig schwu^er ir zegeben wz sie forderte. do begeret sie auß vermanung irer muter des hawbts iohannis in einer schu^eßel. vnd wiewol der konig von des geswornn ayds wegen betru^ebt wz. yedoch ließ er Johannem nach begere der bu^ebin enthawbten.

Enthawbtung sant Johansen des tawffers vnd vorlawffers des herrnn.

XCV recto:

Blat XCV

der werlt

Das sechst alter der werlt hat sich als vnser herr Jhesus cristus geporn wz angehebt. in dem anfang des. xlij. iars des keyserthumbs Augusti octauiani. in dem. xxxi. iar des konigreichs Herodis des außlendischen. vnd in den dritten iar der. c. xciij. olimpiadischen zal. vnd erpawung der statt rome. vij^c. vij^c. lix. iar. vom gefancknus der iuden. v^c. xlv. iar. von dem koningreich dauid tausent. xxix. von der gepurt Abraha. ij^m. xv. iar. von der sintfluss Noe. ij^m. ix^c. lvij. von adam. v^m. c. xcix. iar. von der empfencknus Johannis des tawffers in dem sechten monat. vnd wirdt wrnn durch die gantzen zeit die man der gnaden haißt. vnd ist verzogen von der gebenedeiten gepurt cristi ihesu bis in dise gegenwu^ertige zeit tausent. iiij^c. xc. vnd zway iar. vnd wird hinfu^er seinen lawff haben bis zu der zeit anticristi. oder bis zum ende der werlt. so sich mit keiner gewisen ordnung der geperung oder zeit sunder gleich als mit einem agebkomnen tod der gantzen werlt enden wirdet. Ettlich nemen den anfang diss alters (als vor geschriben stet) von der menschwerdung cristi. ettlich von den tauff cristi von der kraft wegen dem wassernn gegeben nach entschafft der beschneidung. vnd ettlich von den leiden cristi. dann alßdenn ist die pfort des paradises geoffent vnd das sibend alter der ru^oenden angegangen. vnd auß disem sechsten alter haben das cristenlich keyserthumb vnd dz ho^ehst babstlich bistumb mit lob. vrsprung vnd gruntfeste gehabt.

MAriannes ein konigin der hebreischen. ein tochter Aristoboli wardt von Herode irm mann auß neyd erto^edt. dann sie wz (als Josephus sagt) so großer vnd vngesehner scho^ene dz man maynet dz sie nit allain in derselben zeit andere frawen an wolgestaltnus vbertraffe sunder man hielt sie auch fu^er ein himlisch pild. Zu letst wardt sie von irer muter vnd schwester gein Heroden verclagt dz sie ein entwerffnus irer pildung vnd gestalt Octauiano zugeschickt haben solt inen darmit zu irer begirde zeraytzen. das glawbet Herodes vnd hieß sie to^edten.

Die iuden haben nit gemangelt einich fu^ersten bis auff disen tag als sie erstlich disen außlendischen Herode angenomen haben dann es wz die zeit dz do ko^eme der den versprochen wz dz dem newen gesetz gelobet ist. dz er wer ein harrung der hayden. darumb hat. vnd gar billich ir salbung. das ist ir herrschung vnd gewalt ein ende gehabt. dann es was auß der schrift Danielis der heilig der heiligen komen.

---