Dest ein not das mich ein man

Textdaten
Autor: Reinmar der Alte
Illustrator: {{{ILLUSTRATOR}}}
Titel: Dest ein not das mich ein man
Untertitel:
aus: UB Heidelberg 106v
Herausgeber:
Auflage:
Entstehungsdatum: 12. Jahrhundert
Erscheinungsdatum: Vorlage:none
Verlag: Vorlage:none
Drucker: {{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle: UB Heidelberg
Kurzbeschreibung:
Mit aufgelösten Lettern. Vergleiche auch Deſt ein not das mich ein man in Originallettern.
Eintrag in der GND: {{{GND}}}
Bild
[[Bild:|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]

[106v]

Dest ein not das mich ein man·
vor al der werlte twinget swes er wil·
sol ich des ich niht enkan·
beginnen dc ist mir ein sweres spil·
ich hat ie vil steten mv̊t·
nv mv̊s ich leben als ein wib dv́ minnet vnd das angestlichen tůt·

Der min hůte des were zit·
ê dc ich iht getête wider in·
wolt er lâssen nv den strit·
wes gert er mêre wan dc ich im hoͤlder bin·
danne in al der werlte ein wib·
nv wil er das ist mir ein not dc ich dvrh in die ere wâge vnd ǒch den lib·

Des er mich nv niht erlât·
dc tv̊n ich vnd tete sin gerne vil·
wand es mir vmb in so stât·
dc ich sin niht ze frúnde enbern wil·
ein also schone redender man·
wie moͤhte ein wib dem iht versagen· der ǒch so tvgentliche lebt als er wol kan·

Schone kan er im die stat·
gefuͤgen das er sprichet wider mich·
zeinen ziten er mich bât·
dc ich sinen dienest nême dc tet ich·
do wânde ich des ich tete wol·
done wîste ich niht dc sich da hv̊b ein swere dú lange an minem libe wesen sol·

Mines todes wande ich bas·
danne das er gewaltig iemer wurde min·
we warvmbe spriche ich dc·
ia zúrne ich ane not es solte eht sin·
dike hat ich im versaget·
do tet er als ein selig man der sinen kvmber alles vf genade klaget·