Der zufriedene Landmann (Hebel, 1834)

Wikisource

Siehe auch: Der zufriedene Landmann (1803)

Der zufriedene Landmann.

Denkwohl, iez lengi au in Sack,
und trink e Pfifli Rauchtubak,
und fahr iez heim mit Eg und Pflueg,
der Laubi meint scho lang, ’s feig gnueg.

5

     Und wenn der Kaiser usem Roth

in Feld und Forst ufs Jage goht,
se lengt er denkwol au in Sack,^{[a 1]}
und trinkt e Pfifli Rauchtubak.

     Doch trinkt er wenig Freud und Lust,

10

es isch em näume gar nit iust.

Die goldne Chrone drucke schwer;
’s isch nit, as wenns e Schie-Huet wär.

     Wohl goht em menge Batzen i,
doch will au Menge gfuettert sy;

15

und woner lost, isch Bitt und Bitt,

und Alli tröste chaner nit.

     Und wenn er hilft, und sorgt und wacht
vom früeihe Morge bis in d’Nacht,
und meint, iez heig er Alles tho,

20

se het er erst ke Dank dervo.

     Und wenn, vom Treffe bluetig roth,
der Jenneral im Lager stoht,
se lengt er endli au in Sack,
und trinkt e Pfifli Rauchtubak.

25

     Doch schmeckts em nit im wilde Gwüehl,

bi’m Ach und Weh und Saitespiel;
er het turnieret um und um,
und Niemes will en lobe drum.

     Und Fürio und Mordio

30

und schweri Wetter ziehnem no;

do lit der Granedier im Bluet,
und dört e Dorf in Rauch und Gluet.

     Und wenn in d’Meß mit Guet und Geld
der Chaufher reist im wite Feld,

35

se lengt er eben au in Sack,

und holt si Pfifli Rauchtubak.

     Doch schmeckts der nit, du arme Ma!
Me sieht der dini Sorgen a,
und ’s Ei mol Eis, es isch e Gruus,

40

es luegt der zu den Augen us.

     De treisch so schwer, es thuet der weh;
Doch hesch nit gnueg, und möchtsch no meh,
und weisch io nit, wo ane mit;
drum schmeckt der au di Pfifli nit.

45

     Mir schmeckts, Gottlob, und ’s isch mer gsund.

Der Weize lit im füechte Grund,
und mittem Thau im Morgeroth,
und mit sim Othem segnets Gott.

     Und ’s Anne Meile flink und froh,

50

es wartet mit der Suppe scho,

und d’Chinderli am chleine Tisch,
me weiß nit, welles ’s fürnehmst isch.

     Drum schmeckt mer au mi Pfifli wohl.
Denk wohl, i füllmers no ne mol!

55

Zuem frohe Sinn, zuem freie Mueth,

und heimetzue schmeckt Alles guet.

Ausgabe I.

1. se lengt er eben au in Sack.