Dank habe der werde klinger· dar gehuset hat

Dank habe der werde klinger· dar gehuset hat·
triwe milte vnd da bi zuht· die wil er wol behalten·
dc er si von den lande niht vertriben lat·
des lâsse in got nach sinem willen wunneklichen alten·
si hasset leider manigen man
vor den er si behalten wil· dc ist in allen swere·
wie schone ers in gebieten kan
er moͤht ir niemer bas gepflegen ob er ein keiser were·
ir werden frowen ir svlnt im wúnschen gůter zit·
sit hohe tvgent in sinem svͤssen herzen lit·
er ist erbarmig vnd ist doch den frúnden gůt·
selde hat in wol da her vor aller missetat behůt·

Got ere úch turgoͤin· dc ir so steten mv̊t·
ze kiburg hant den herren wert· si machent úch noch riche·
si hvlfen iv von not gewunnens iemer gůt·
dc wurde iv niemer vor verspert· dc wissent sicherliche·
nv lat si niessen úwer habe·
...
...
si werdent schiere vnkvmberhaft· sost ú ir gv̊t gemeine·
vf als gůt gedinge· svlt ir stete sin·
sit vnverzagt an den vil milten herren min·
si hant nach eren ie verzert ir hv̊ben gelt·
ir hant ir kleider vnd ir ors vil maniges gefvͤret vber velt·