Wir loben alle disen haln wand er v́ns trůch
[417v]
Wir loben alle disen haln wand er v́ns trůch·
vernet wc ein schoner svmer vnd korn genv̊g·
des wc ellu dú werlt ǒch vro·
wer gesach ie schoner stro·
es fv́llet dem richen man die schúre vnd ǒch die kiste·
swanne es gedienet dar es sol so wirt aber dan zemiste·
Treit ein rein wib niht gůter kleider an·
so kleidet doch ir tvgent als ich mich kan enstan·
dc si vil wol gebluͤmet gat·
alsam der liehte svnne hat·
an einem tage sinen schin· luter vnd reine·
swie vil ein valsche kleider treit doh sint ir ere kleine·