Winter vnd dú frowe min

Textdaten

Autor:	Der von Stadegge
Illustrator:	{{{ILLUSTRATOR}}}
Titel:	Winter vnd dú frowe min
Untertitel:
aus:	UB Heidelberg 258r
Herausgeber:
Auflage:
Entstehungsdatum:	13. Jahrhundert
Erscheinungsdatum:	Vorlage:none
Verlag:	Vorlage:none
Drucker:	{{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle:	UB Heidelberg
Kurzbeschreibung:
Mit aufgelösten Lettern. Vergleiche auch Wint̾ vn̄ dú frowe min in Originallettern.
Artikel in der Wikipedia
Eintrag in der GND: {{{GND}}}
Bild
[[Bild:\|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:\|Indexseite]]

[258r]

Winter vnd dú frowe min·
was leides habe ich ú getan·
dc ir mich alsus lâsset sin·
ane froͤide vnd ane lieben wan·
nebel sne rifen die verklagte ich wol·
mide ich úwern schonen lib
dc sint dú leit dú ich von ú dol·

Werbe ich niht mit trúwen gar·
vmb ir vil minneklichen lib·
son gespreche ich niemer war·
si ist mir lieb vúr ellú wib·
wolte got wer ich ir lieb vúr alle man·
min herze ist ir mit truwen bi
vnd kan dc nieman vnder stan·

Wer gab ú so schonen lib·
dc er ú gab niht gvͤte mê·
zwar ir sit ein mvͤlich wib·
dc ir den lúten tůt so we·
ir mvget den tôren twingen als ir twinget mich·
dc er vergisset siner zuht
vnd als vnschone richet sich·

Ane guͤte ist schoͤne ein wiht·
es ist pris swelh wib si beide hat·
we wie liebe dem geschiht·
des genade ein so gv̊t wib gevat·
so dc sin lieb sin leit ir nâh ze herzen gê·
wibes schoͤne troͤstet wol
so froͤit ir guͤte dannoch mê·