Wil mir ein wib genedig sin· so wirt min rat
[317v]
Wil mir ein wib genedig sin· so wirt min rat·
dú mir al das herze min· betwungen hat·
si kan wol seniden machen·
mit ir wol svͤssen lachen·
wc si des hat·
dc ir wol stât·
vil gar an alle missetat·
hei grawer otte
hei grawer otte
grawer otte· nv pflege din got· wis stolz grawer otte·
ICh han gedingen wirt si mir dv́ frowe min·
dvr der willen wil ich hohes mv̊tes sin·
so vroͤit sich min gemvͤte·
von ir vil lieben guͤte·
ia frowe min·
ich bin doch din·
wie lange wilt dv vngenedig sin·
erwint vrowe here·
vil liebe erwint·
troͤste minen senden mv̊t ia trure ich ze sere·