Wie ſolte ich armer der ſwere getruwē

Wie ſolte ich armer der ſwere getruwē·
dc mir ze leide· der kúnic were tot·
des mv̊ſ ich vō ir dc ellende buwē·
deſ w̾dent da nach minú ǒgē vil rot·
d̾ mir zepúlle die h̾uart gebot·
der wil mich ſcheidē vō liebe in die not·
der ich gewīne vil micheln rúwē·

Ich wil bevelhen ir lib vn̄ ir ere·
gote vn̄ da nach allen engeln ſin·
ſi ſol wiſſen ſwar ich landeſ kere·
dc ich ir bin vn̄ iemer min·
als ich ie was do mich ir ǒgen ſchin·
bꝛahte ſo verre vſ dem ſinne min·
do wc mir we vn̄ nv michels m̾e·

Nv mv̊s ich varn vn̄ doch bi ir beliben·
vō der ich niemer geſcheiden mac·
ſi ſol mir ſin voꝛ allen andern wiben·
in minē h̾zen beidú naht vn̄ tac·
als ich gedenke wie ich ir wilent pflac·
owe dc púlle ſo verre ie gelac·
dc wil mich leider vō froͤiden v̾triben·