Wer mir iht bas gelvngen
[172v]
Wer mir iht bas gelvngen·
danne mir gelvngen ist· ich het ǒch bc gesvngen·
darvmbe enwil ich niht verzagen·
in welle ir ere sagen·
der sverzen die ich da minne·
vnd her geminnet han mit herzen vnd mit sinne·
vnd minnen mv̊s die wile ich lebe·
vf liebes lones gebe·
frowen min la hoͤren mich·
ob mich min sang vervahe des bit ich·
so wil ich singen bas danne ê·
dc ich des vro beste·