Was sol ein keiser ane recht ein Babst ane barmunge

Was^{[WS 1]} sol ein keiser ane recht ein Babst ane barmunge^{[WS 2]}·
was sol ein kúng ane milten můt· was sol ein fúrst ane scham·
was sol ein vngetrůwer munt dar in ein valsche zunge·
dú mangem dicke schaden tůt· si macht gesunden lan·
was sol ein graf der nit kan· tugende walten·
was sol ein frie der sin trúwe niemer wil behalten·
wc sol ein richer dienstman· der sich nit schanden wert·
was sol ein ritter der sin tag· mit laster hie verzert·

Was^{[WS 3]} sol ein schones wib gar ane tugent vnd ân ere·
was sol ein Lantzherre der dekeine milte hat·
was sol ein priester ane kunst der rechten Gots lere·
was sol ein iunger ritter der nit ritterschaft begat·
was sol ein kǒfman vnd hat er nit gewinne·
was súlent kloster vnd brůder an die waren minne·
was sol ein búrg der nit leisten wil dur sinen zorn·
was sol ein iager an gůt hund vnd ân ein horn·
was sol ein valkner vnd hat er niendert veder spil·
vnnútzer ist ein kúng ob er nicht rechte Richten wil·

Anmerkungen (Wikisource)

1. Vorlage: as.
2. Vorlage: barmūg.
3. Vorlage: as.