Wa wil dv́ kvgel nv geligen (Mit originalen Lettern)
[293v]
Wa wil dv́ kvgel nv geligen·
ſtvm al vmb es ſi v̾ſwigē·
verbotten ſprechen vn̄ murmerrieren·
ſi runet beide dirre vn̄ der·
ſi raſſent hin ſi raſſent her·
man ſiht ſú beide zwingen vn̄ zwieren·
wer ſol v́ns den trǒn erſchinen·
her ob ſi den kv́nig iht meinen
ia ſi ſchilhent alle dar·
man ſiht ir vil ſchantlachen vnderſtvnden·
vn̄ den wolfes zan enplekē·
tvmbe lúte ī ſoꝛge ſteken·
laſſa bꝛúwen alſo dar·
es wiſſen wol die froͤmden vn̄ die kvndē·
her kv́nig nemt v́wer ſelbes war·