Vluz inde zungen munt
[295v]
Vluz[WS 1] inde zungen munt·
der mir nút kunt· den vnt·
Lat werden manger valschen ræte·
da mit si mich iaget·
das man mich sagt· verzagt[WS 2]·
an aller gůter dinge tæte·
si gar getrúw· vnd des betrogen
mit golde kupfer vberzogen·
ein slange inbůsem· ein fivr in lieber wæ̂te·
Ich[WS 3] sich vnd nime war·
das ich so var· das gar·
mir leben vnd sin verwirret·
vnstete gumppel spil
ich wil· ich enwil· so vil·
ist des das mir gegen stete wirret·
ineime tage manger stund[WS 4]·
wirt mir[WS 5] mins hertzen wandels kunt·
selch fůre mich vnd dich vnd den verirret·
Ein[WS 6] man des můtes helt·
gar vserwelt· gezelt·
uf manlich tat· er werder blůme
der si der zucht ein degen·
so mag sin plegen· der segen·
den gůt werden man ze růme
ein schoͤne man nicht zungen balt·
ein zunge wis nicht manigvalt·
die habent ir pfrůnd in aller eren tůme·
Ir[WS 7] frǒwen tragt ǒch ho·
sit iemer fro· das so·
got hat v́ch sunderlich geheret·
das manne werdekeit·
[296r] der eren cleit· nicht treit·
wan den es v́wer tugende leret·
der man si lobs vnd liebes abe·
wan der si sinder· von v́ch habe·
gelobt si der gewalt der v́ch sus eret·
Die[WS 8] argen iehent· wa si
wib wandels fri· der bi
schoͤn vnd kúsche si gesezzen·
si valschen valsches kint·
an tugenden blint· wa sint
die frǒwen lob sus hant ermezzen·
der reine gůten ist noch vil·[WS 9]