Swer nach min̾ lere

Swer nach min̾ lere·
nach liebe w̾bē wil·
d̾ ſol frowē ere·
niht habē fúr ein ſpil·
ruͤmē vn̄ liegē·
iſt w̾dē wiben leit·
doch ſol mā ſi triegē·
mit ſtolzer húbeſcheit·
Man ſol reinē wibē·
iem̾ ſpꝛechē wol·
h̾zeleit v̾t́ben·
ſit man bi in ſol·

Eſ iſt niht ein wūder·
dc mā die frowē bitte·
ſi geligēt vnd̾·
vn̄ geſigēt doch da mitte·
ſwc wir alle nidē·
wan ſol in weſē holt·
es zimt wol bi ſidē·
dc vil rote golt·
Man ſol reinē wibē·
iem̾ ſpꝛechē wol·
h̾zeleit v̾t́ben·
ſit man bi in ſol·^{[WS 1]}

Ob ich hete alleine·
wol tuſēt meiſt̾ ſī·
d̾ wer doch zekleine·
da ich gedehte hin·
wie dú mīne letzet·
ir anegenge iſt heis·
dē ſi wol ergetzet·
des frǒwe ſih ſwer dc weis·
Man ſol reinē wibē·
iem̾ ſpꝛechē wol·
h̾zeleit v̾t́ben·
ſit man bi in ſol·^{[WS 2]}

Walwe zv̊ dē bꝛunē·
die ſol mā habē lieb·
ſlichē vn̄ runē
zv̊ zin alſā ein dieb
tv̄ber mā wirt niem̾·
niht wā vō mīnē zam·
wol in húte vn̄ iem̾·
mīne iſt ein ſvͤſſer nam·
Man ſol reinē wibē·
iem̾ ſpꝛechē wol·
h̾zeleit v̾t́ben·
ſit man bi in ſol·^{[WS 3]}

Ir kint vn̄ ǒch ir meide·
v̾nemt wc ich uch ſage·
ſchoͤne ſint vf d̾ heide·
die liehtē ſvmer tage·
dar ſvnt ir dvr ſchowē·
vn̄ lā̂t vns mit úch gan·
bi den ſchonē frowen
die wol gemv̊ten man·
Man ſol reinē wibē·
iem̾ ſpꝛechē wol·
h̾zeleit v̾t́ben·
ſit man bi in ſol·^{[WS 4]}

Anmerkungen (Wikisource)

1. Vorlage: Man ſol rei·
2. Vorlage: Man ſol·
3. Vorlage: Man ſol·
4. Vorlage: Man ſol·