Swer ir lob wil rehte meſſē

Swer ir lob wil rehte meſſē·
ſi iſt tvgendericher froͤidē ſpil·
gv̊t̾ dinge enheins v̾geſſen·
iſt da ſi iſt wūſches hoſteſ zil·
ir liehte varwe kan ſo gleſtē·
dc ir mīneklicher lib·
ſchaffet dc ſich mv̊s engeſtē·
gegē ir ellú ſchonú wip·
da vō nidē ſi die beſtē·
ſchoͤne vn̄ ere·
ſuſt ſeldē vꝛſpꝛing dú kā ſi reine ſinne· lerē·
da bi vs ir h̾ze blvͤget dú vil ſvͤſſe mīne·

Leid̾ ich bin gar v̾krenket·
min hoher mv̊t iſt ǒch da hin·
min froͤide iſt nv ī leit v̾ſenket·
dc tůt mir dv́ minē ſin·
vn̄ ǒch min gedanke bindet·
ſwar ich var die volgēt ir·
ſeltē mā mich froͤlich vindet·
w̾ ſol nv dc wîſſen mir·
iam̾ hat mich ge ingeſindet·
vō dē ſoꝛgē·
mv̊s ich v̾woꝛrē in ſteten rúwē ſtrike· woꝛgē·
wachende gedēke tv̊nt dc vn̄ in ſlafe ſchrike·

Mīne w̾ hat dich geleret·
dc din vil tvgēthafter rat·
hohgemvͤte dē v̾keret·
d̾ doch din iſt dc miſſeſtat·
dv haſt minē mv̊t v̾wēdet
an dē wunſch wc hilfet dc·
er ze froͤidē iſt geſendet·
im wêr doch hie heime bas·
ſit ſich niēd̾ v̾ellendet·
ein gedēkē·
zim vō d̾ gv̊tē dc im hulfe alleſ trurē· krenkē·
mīne wiſ geliche ſtrēge dc lat dich niht ſvren·