Swenn v́ns das alter die gesicht

Swenn^{[WS 1]} v́ns das alter die gesicht
berimbert al zesere·
das wir die edelen schrift nicht·
wol gesehen mugen mere·
so sint vnsˢ kere·
zůz einem lichten spiegel klar
der v́ns die schrift erlúchten kan·
vnd wol gesichtig machen·
so wir si dur in sehen an·
das kunt von edlen sachen·
die sol nie man swachen·
der spiegel tùtet ane var·
gottes můter vnd ir kint der edlen glantzen warheit schrift·
vnd als v́ns der súnden gift·
an seligheit erblendet·
das got von vns dv́ gnade sin· vil haslich hat gewendet
div spiegel lichte Maria· die gnad v́ns wider sendet·
vnd mit sůn verendet·
was gen ir kint vns ie gewar·

Anmerkungen (Wikisource)

1. Vorlage: wen̄.