Swa golt gelútert wirt also
[426v]
Swa golt gelútert wirt also·
dc es niht mere gvnters hat·
da minret sich sin [427r] tvgende niht·
von keiner brv́nste schaden·
al dvrh des argen winters drǒ·
des[WS 1] palmen lǒb in gruͤne stat·
swie das man in in snewe siht
mit rifen vberladen·
dem golde geliche ich wol den man·
des herze ist so gelútert vnd so reine·
dc in der bôsheit hitze enkan·
niht brennen so dc er iht arges meine·
der palmen gelichet sich ein wib·
dú an sich reiner tvgende varwe strichet·
so dc mit niht ir werder lib·
dvrh arge lust in schanden kleit erblichet·
Anmerkungen (Wikisource)
- ↑ Vorlage: der.