Stammbuch berümpter Fürsten, Graffen vnnd Herren Geschlechter:Vorwort 6

 

<<<Vorherige Seite	Stammbuch Oder Erzölung aller namhaffter vnd inn Teütschen Historien berümpter Fürsten, Graffen, vnnd Herren Geschlechter	Nächste Seite>>>
fertig	Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.

An den Christlichen Leser.

DER Heilige Prophet Oseas / klagt gar sehnlich vnnd a^engstiglich vber den Sündlichen zu^ostand seiner zeit / da er sagt am vierdten Capitel. Ho^eret ihr Kinder Israel des Herren wort / denn der Herr hat vrsach zu^o schelten / denn es ist keine Trew / keine Liebe / kein wort Gottes im lande / sondern Gottslestern / Morden / Stehlen vnd Ehebrechen hat vberhand genommen / vnd kompt eine Blu^odtschuld vber die ander / darumb würt dz Land ja^emerlich stehn vnd allen einwohnern würts vbel gehn / doch mann darff nicht schelten / noch jhemand straffen / denn dein volck ist wie die so die Priester schelten. etc. Gleich also mo^egen auch wol jetziger zeit / alle fromme / trewhertzige Lehrer vnd Prediger klagen / dz es in der welt vbel zu^ogeht / vnd alle sünden empor schweben / vnd die leüt darinnen noch wo^ellen recht haben / keine straff leiden / oder an nemen zu^or besserung. Darumb mag sie auch die straff haben dz es in allen landen ja^emerlich stehet / vnd den einwohnern vbel geht.

Nu^on ist vnder andern sünden / die jetziger zeit im schwanck gehn / auch nicht der geringsten eine / dz man nichts so gu^ot / recht / wolmeinend machen oder reden kan / das es nicht zu^om a^ergsten würt gedeütet vnd außgelegt / vnd obs wol an deme / das der heilige Petrus saget / dz alles affterreden seine Endschafft gewinnet / wenn vnsere gu^ote werck an den tag kommen / doch geht es in der welt zu^o wie jehner sagt.

Calumniare audacter semper aliquid hæret.

Es bleibt allzeit was kleben / wo Lesterspeichel würt hingeworffen.

Solchs kompt aber von dem Teüffel / der fu^eret den namen / darumb das er heißt Diabolus / das er weidlich kan vbel deütten / affterreden / lestern / verleümbden / vnnd sonderlich was recht vnnd gu^ot beides von Gott / vnd seinen Christen gethan vnnd geredt / würt.

Wie wir solchs sehen / an dem Wort Gottes das er zu^o Eua geredt hat / Sie solten nicht essen von dem Baum des erkanntnuß Gu^ottes vnnd Bo^eses. Hilff Gott wie verderbet er da sein Lestermaul / wie gebraucht er solche glatte vnnd scho^ene Lugen / biß er Euam beredt vnd auffsetzet.