Stammbuch berümpter Fürsten, Graffen vnnd Herren Geschlechter:Seite 99

<<<Vorherige Seite Stammbuch Oder Erzölung aller namhaffter vnd inn Teütschen Historien berümpter Fürsten, Graffen, vnnd Herren Geschlechter Nächste Seite>>>
Hoppenrod Stammbuch 099.jpg
fertig
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.



Warberg / Eine herrschafft im Braunschweigischen lande gelegen / wiewol Crantz sie nuor Barones / das ist / Freyherrn / oder Panerherrn nennet. WS: Handschriftlicher Zusatz: Edle Herren se ipsos scripserunt.

Anno 968 ist Arnolt herr zuo Warberg / auff dem Thurnier zuo Merseburg gewesen.

Anno 1184 sol Burckhart von Warberg / beneben andern Graffen vnd herrn zuo Erfurd / im vnflaht / als der Bodem einfiel / darauff in S. Peters Closter der Keyser Fridericus / eine versamlung hielt / verdorben sein. Crantz. in Saxoni. lib. 6. cap. 45.

Anno 1275 hat gelebt Cuonrad Graff zuo Warberg.

Anno 1411 ist Heinrich Graff zuo Warberg Bischoff zuo Halberstat gewesen. Metrop. lib. 11. cap. 8.

Otto / des Bischoffs zuo Halberstat bruoder / ist für Derneburg von denen von Schweichelde erschlagen worden. Metr. lib. 11. cap. 12.

Anno 1455 ist Graff Burckhart Bischoff zuo Halberstat gewesen. Metrop. lib. 11. cap. 35.

Warburg / Eine herrschafft im Stifft Padeborn / dauon dise stat Warburg noch vorhanden ist.

Der 10 Bischoff zuo Padeborn Meinwercus sol sie haben vom Keyser Heinrich dem andern bekommen / als Dedicon der letste Graff gestorben war / vnd also ist dise herrschafft zuom Stifft Padeborn kommen. Metrop. lib. 4. cap. 4.

Welpe / Ist auch der alten Graffschafften eine. Albertus der V. des namens / Graff zuo Ascania / vnnd Ballenstett / nam zuor Ehe Hildam eine Erbtochter / vnd Graeffin zuor Welpe / vnnd die brachte jhm zuor mitgifft die Graffschafft Welpe / ward damit belehnet vnnd ein Graff zuor Welpe / die jnnen gehabt vnd besessen / biß Anno 1435 haben die Hertzogen zuo Braunschweig die herrschafft an sich bracht. Chro. Saxo. & Saxo. Crantz. lib. 12. cap. 31.

Anno 1180 ist Graff Bernhart von der Welpe / Heinrich dem Loewen trewlich beygestanden / wider den Bischoff zuo Coeln. Saxo. lib. 6. cap. 39. Es ist auch diser Graff in der stat Lübeck mit gelegen / da der Keyser ist dafür kommen / lib. eodem cap. 43. Ist also diser