Stammbuch berümpter Fürsten, Graffen vnnd Herren Geschlechter:Seite 77

 

<<<Vorherige Seite	Stammbuch Oder Erzölung aller namhaffter vnd inn Teütschen Historien berümpter Fürsten, Graffen, vnnd Herren Geschlechter	Nächste Seite>>>
fertig	Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.

Der sagte dem Bischoff zu^o / allen mu^eglichen fleiß für zu^owenden damit solche schmach mo^echte gerochen werden. Es verlaufft nicht ein gantz jar / da stossen beide theil auff einander / der Graff vnnd Hauptman / vnnd sprechen einer den andern an auff gu^ot hoffrecht / Aber der Graffe würt gefangen / vnnd also balde su^ochte der Hauptman einen Baum / daran er den Graffen hencken mochte / aber kund keinen finden. Da ersticht er den Graffen / vnnd steckt inn die Erden einen Spieß / daran bunde er den Graffen / vnnd zug daruon. Crantz. lib. 9. cap. 28. Saxo.

Anno 1381 hat gelebt Graff Busso von Regenstein. Saxo. lib. 0. cap. 6.

Diser Busso hat auch Graff Dieterich von Wernigeroda angeklagt / darauff ist er von den andern Sa^echsischen Herrn zu^om strang verurteilet worden. cap. 7. uide Vuernigrodenses.

Anno 1417 Ist Graff Bernhart von Regenstein / mit Fürsten Bernhart von Anhalt / des Stiffts Merseburg feind gewesen / wie es jhm aber gangen / besih der Merseburger Chronica Ernesti Brotauffs lib. 2. cap. 49. Es sol auch diser Graff Bernhart mit dem Marggraffen zu^o Meissen auff dem Concilio zu^o Costnitz gewesen sein.

Auß den Historien hin vnnd wider / finde ich die Graffen von Reinstein fast also nach einander folgen.

Heinrich Graff zu^o Reinstein hat gelebt Anno 1190 item 1200 vnd gelassen

N. ein junger herr zuo Michelstein begraben Anno 1219.

Vlrich 1242 item 1277. sein gemahel N. von Hohnstein.

Cuonrad / 1242.

Vlrich / sein gemahel Elisabeth / von Beichlingen.

Heinrich / 1264. 1295. sein gemahel Bia.

Vlrich / 1362. sein gemahel Magdalena Plauen

Albrecht / vnnd Bernhart / Graffen zuo Reinstein / herrn zuo Heimburg gebrueder / 1278. 1343.

B