Stammbuch berümpter Fürsten, Graffen vnnd Herren Geschlechter:Seite 61

 

<<<Vorherige Seite	Stammbuch Oder Erzölung aller namhaffter vnd inn Teütschen Historien berümpter Fürsten, Graffen, vnnd Herren Geschlechter	Nächste Seite>>>
fertig	Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.

Saxonia, destinatus ad ducatum Saxoniæ si res prospere ceßissent.

Vnnd Abbas Vrsbergensis sagt von jm also.

Cum per aliquot dies pars utraquealteri minaretur & parceret, quidam uir fortis, nomine Hoyar, qui dudum inter multa, quæ bellicose egerat Sigefridi Palatini Comitis nece, se famosißimum in aula regis effecerat, assum pta omni electa iuuentute, quæ, ut ipse moræ fuit impatiens, Saxones nimirum compatriotas audacter inuasit, ipseque leonina ferocitate dimicans, gloriæ cupiditate, quaflagrabat, multis secum cadentibus, propria morte probauit.

Dises erzele ich darumb / das man sehen sol vnnd mag / wie vnbillicher weise / diser Edler Herr / vnnd seine Nachkommen außgetragen werden / als solten sie vntrewlich an jhrer Oberkeyt gehandelt / vnnd meineydig worden sein. Aber es mu^oß allen so gehn / die es nicht mit dem Bapst / Heüchlern / vnnd Suppenfressern halten.

Von disem Adelichen Ehrliebenden Ritter vnnd Kriegsman Hoyer / seind die wolgebornen vnd Edlen herrn von Manßfeld / die noch leben / vnd das hauß Manßfeld jnnen haben / entsprungen vnd herkommen.

Anno 1260 warde zu^om Ertzbischoff zu^o Magdeburg erwelet Rupertus Graff vnnd herr zu^o Manßfeld. Er empfieng sein Pallium vom Bapst Alexandro / war siben jar Bischoff / bracht inn das Gottes hauß / Zorbeck. Er ist den Juden hefftig feind gewesen / hat sie wol geschatzt / vnnd endtlich auß dem lande getrieben. Metrop. lib. 8. cap. 23.

Grundlichen vnnd volkommenen bericht / von diser Edlen herrschafft / beyde des landes / der herrn / gu^eter vnnd vnderthanen / würt man (ob Gott will) inn einer kürtze finden vnnd lesen inn der Manßfeldischen Chronica / so der Herr M. Ciriacus Spangenberg dauon außgehn würt lassen.

Marca / Eine herrschafft inn Westphalen.

Anno 1160 sol sie haben jhren anfang bekommen / durch zwen Bru^eder Adolphum vnnd Johannem / die auß Italia kommen / sagt Crantz. in Metrop. lib. 6. cap. 37.