Stammbuch berümpter Fürsten, Graffen vnnd Herren Geschlechter:Seite 36


<<<Vorherige Seite Stammbuch Oder Erzölung aller namhaffter vnd inn Teütschen Historien berümpter Fürsten, Graffen, vnnd Herren Geschlechter Nächste Seite>>>
fertig
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.


nuon die Burger das jnnen wurden / gedachten sie jhm zuo begegnen / vnd die weil vil vnnützes / loses gesindes inn der statt war / vnd sie des gerne weren loß gewesen / damit sie desto leichtfertiger koendten die belegerung außstehn vnnd ertragen / erdachten sie einen solchen ranck / das sich an den orth alle arme leütte für der statt samlen solten / da das Castel eingenommen / vnnd gewunnen were / da wolte man Gotte dem Herrn zuor dancksagung für die victorj reiche Spende außtheilen / bald funde sich dahien viel volcks auß der stat / als man jhnen nuon die Spende miltiglich hat außgeteilet / vnd sie wider zuor statt wolten / waren die Thor verschlossen / vnd wurde jnen herauß angesagt / sie solten sich an andere orth begeben / biß auff bessere zeit / man koendte jhr jetzunder inn der statt wol entrhaten / weil sie jnen darinnen beschwerlich weren. Da muoste jederman sehen wo er bleiben mocht. Sax. lib. 10. cap. 14.

Was sich sonsten mehr inn der statt Goettingen zuo getragen / vnd verlauffen hatt / mag man lesen / inn Saxo. Crantz. lib. 10. cap. 7. Item lib. 12. cap. 1. 36. 38. Item lib. 13. cap. 5.

Hadmersleben / im Stifft Halberstatt eine Herrschafft.

Anno 1238 hatte dise Graffschafft jnnen Otto Marggraff zuo Brandenburg. Aber die Bischoffe zuo Magdeburg vnnd Halberstat / gewonnen sie dem Marggraffen abe / vnd brachten sie an jre Stiffte / haben darnach andere damit belehnet. Chro. Saxo.

Anno 1242 hat Ludolph von Hadmersleben Moenche Neumburg helffen verbrennen. Chro. Monche.

Anno 1255 hat gelebt Graff Gardin / oder Gardewin / von Hadmerslaben / vnnd zuor ehe genommen Fraewlin Agnes / von Braunschweig / Hertzog Hansen Tochter / Chro. Saxo. Hatt noch gelebt Anno 1295.

Anno 1265 ist gewesen Friderich Herr zuo Hadmersleben.

Anno 1277 hat gelebt Werner / von Hadmersleben / zuo welchs zeitten etliche auß dem Stifft Hildeßheim / des nachts einfielen inn Hadmersleben / der meinung / sie wolten etliche Burger auffheben / vnd hinweg fueren / aber es ward lautbar / das die burger zuor wehr kamen / da muosten sie die fluocht geben. Jm nach jagen wurden jr viel gefangen. etc. Chron. Magd. in uita 32. epis.

Anno 1367 ward herr Hans von Hadmersleben erschlagen /