Stammbuch berümpter Fürsten, Graffen vnnd Herren Geschlechter:Seite 34
| <<<Vorherige Seite | Stammbuch Oder Erzölung aller namhaffter vnd inn Teütschen Historien berümpter Fürsten, Graffen, vnnd Herren Geschlechter | Nächste Seite>>> |
 | ||
| fertig | Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
| |
Anno 1223 hat diser Graff Heger auch Quedelburg gewonnen. Metr. lib. 7. cap. 39.
Anno 1271 hat gelebt Friderich Graff zuo Falckenstein.
Anno 1289 hat gelebt Fraw Lutgard Graeffin zuo Falckenstein / herrn Walthern von Arnstein schwester.
Otto Graff zuo Falckenstein / hat gelebt Anno 1298 / 1305 vnd noch 1322. Seine Brueder seind gewesen / Graff Volrath / dessen noch Anno 1325 gedacht würt / vnd Graff Conrad Thumherr zuo Hildesheim / vnnd Graff Heinrich Thumherr zuo Halberstat. Graffen Otten aber vnnd Graffen Volraths soene seind gewesen Graff Otto zuo Hildesheim / vnnd wider Graff Otto zuo Magdeburg / vnnd Burckhart zuo Halberstat / alle drei Thumherrn / vnnd Graff Friderich.
Anno 1330 wirt gedacht Graff Burckharts zuo Falckenstein.
Anno 1405 hat dise Graffschafft jnnen gehabt Rudolphus Fürst zuo Anhalt vnd Bischoff zuo Halberstat / jetzunder besitzen das hauß und herrschafft die Edlen Junckern von der Asseburg.
Frideburg / Ein schloß vnd Dorff darbey an der Sala gelegen / ist fürzeitten eine freye herrschafft gewesen.
Anno 1216 hat ein Herr da gewonet Hagen von Frideburg / hatt den Bischoff Albertum zuo Magdeburg / so von Ottonis des IIII hauptman Cesario gefangen / vnd auff Wedisdorff gefuert ward / widerumb helffen loß machen. Chro. Magd. in uita Alberti episco.
| Hagen von Frideburg. | |||||||||||||||||||||||||||||||||||||
| Vlrich ist Anno 1264 albereit todt gewesen. | |||||||||||||||||||||||||||||||||||||
| Hoier der aelter | Hoier der Jünger | Vlrich 1273 | Sophia Proepstin zuo Wenthausen | Künegund / geistlich zuo Quedleburg. | |||||||||||||||||||||||||||||||||
| haben Bornstett auch jnnen gehabt | |||||||||||||||||||||||||||||||||||||
| Seiffrid hat Bornstet verkaufft. 1286. | |||||||||||||||||||||||||||||||||||||
| Otto / | Botho / | Wernher 1312 | |||||||||||||||||||||||||||||||||||
| seind auch Herrn zuo Hadmersleben worden. ex literis Cœnobrij Gerbstedensis. | |||||||||||||||||||||||||||||||||||||
Anno 1368 hat dise herrschafft Bischoff Albrecht vom Stifft verkaufft für 300 Marck. Chro. Magde. Ist darnach wider ans Stifft gefallen / biß Anno 1442 hat das hauß mit aller zuobehoerung