Si treit krus har crisp vnd gel

SI treit krus har crisp vnd gel·
si treit ein vnuertwelten lip·
si treit eine sne wisse kel·
al dú werlt hat niht schoner wib·
mir were ie lieb bi ir ze sinde
danne bi gote in paradise·
got herre machent mich ir minne wis·

Dú svnne schinet nie so clar·
min lieb dannoch schoner bc·
ir ǒgen stent vil offenbar·
got an ir nie niht vergas·
in neme niht die krone von rome
zetragenne fúr miner frowen lip·
so rehte wol behaget mir dc wib·