doin ind us zo geven. Zo dem eirsten sal man dem priester, der die hoemisse singet up den hilligen kirsdach III albus geven, dar umb sal der priester pausiren in dem evangelio na Et verbum caro factum est also lange, dat man V pater noster lesen mach. Item dem offermanne einen wispennig, up dat hei den priester ermaenen sal ind informieren, dit zo doin, ind wanne der priester des nit en deit, so en sal der convent ouch nit verbonden sin, priester ader offermanne iet zo geven. Item man sal halden IV jairgetzide, dar zo sal man nemen XII malder roggen. Det eirste jairgetzit sal man halden up vigilia annunciacionis dominice, up denselven dach nemen III malder roggen ind da van geven zweierleie gerichte van vischen gesoeden ind gebraeden mit crude of in peffer, wie man dat wilt, ind dar zo ietlich suster ein porcie gudes wines vor broder Jelis und suster Alverit vor erer beider vrunde ind da sie vor begeren. Dat andere jairgezit sal man halden allewege des neisten sondages na Francisci, so sal man nemen drei malder roggen, van wilchen man geven sal rintfleisch ind gut gebraet dar zo von gensen ader antvoegeln, int ietlich suster eine porcie gudes wines dar zo vor broder Jelis ind suster Alverit vurschreven ind alle deijene dar si dat vor begerende sin. Item up den selven dach dat broder Jelis stirfet ind vort alle jair als sin jairgezide is, up den selven sal man aver nemen III malder roggen zo zweierleie gerichte van vische oder vleisch wie dat genoget ind eine porcie gudes wines up den selven dach einer ietlicher suster zo geven, it en were dan sache, dat ein grois hoegeziet of eine groisse vigile dan were, want so sal dat zer stund des anderen dages erfallen. is it aver gudensdach of saterdach, so sal man geven zweierleie gerichte van vischen ind nit warden des fridages, umb af zo trecken dat man fridags plit zo geven. is it aver sondach, maendach, dinsdach ader donersdach, so sal man geven vleisch mit crude gesoeden ader in peffer ind gebraet dar zo, so wat dan zidich is. it en were dan sache dat he storfe up einen fridag of in dem advente ader vasten, want so sal man geven vische ind dat herliche und kostliche ind tzweierleie gerichte. Item III malder roggen up den dach als suster Alverit stirft ind vort alle jairs up den selven dach sal man doin in alre maissen als vurschreven is in broder Jelis jairgezide, wie dat gut genoget mit dem selven up wat dages of up wat gezide. Ind die Abdisse sal truwelich broder Jelis vurschr. zo allen ziden recommenderen den susteren zo der tafelen. Item so han sie begeret, dat man in desen jairgeziden, als man dese pietancien sal geven, dat die suster ouch dan allewege requiem sollen singen up den selven dach of in der
Karl Tücking: Urkunden und Akten aus dem Archiv der Klarissen zu Neuss. Schwann, Neuss 1896, Seite 47. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Urkunden_und_Akten_aus_dem_Archiv_der_Klarissen_zu_Neuss.djvu/47&oldid=- (Version vom 1.8.2018)
