s. Clare, item alterum pro dicto oppido Nussiensi et tertium pro domno Hermanno iam dicto in forma meliori et ad dictamen cuiuscumque sapientis. Acta sunt hec indictione mense die hora loco et pontificatu supra presentibus ibidem honestis et discretis viris domno Henrico Wirgarn officiante in Karst presbitero, Conrado Luper clerico, Wilhelmo Blyhoff scabino, Johanne ten Einhorn, Johanne Munt et Johanne de Gogh custode dicte ecclesie s. Clare opidanis Nussiensibus laicis dicte diocesis testibus fide dignis ad premissa vocatis specialiter et rogatis. Demum descendendo de prefata coclea inferius usque prope altare s. Katherine predictum in honestorum virorum Petri Hasart consulis et Hermanni Blihof scabini Nussiensis seniorum pretactorum meique notarii publici subscripti ac testium iam nominatorum presentia personaliter constitutus domnus Theodericus Joede predictus ut supra tangitur per dictas partes requisitus volens commissionem huiusmodi requisitionis favorabiliter ad effectum deducere primo dicto domno Hermanno presenti consentienti atque ratificanti ad dictum altare proviso et investito dedit et assignavit ambo cornua dicti altaris, item deinde missale, item ornamenta missarum calicem mappas et candelabra committens in animam dicti domni Hermanni, ut missas in dicto testamento nominatas fideliter prout decet et tenetur celebret per se vel alium et observet. tandem idem domnus Theodericus introducens alta et intelligibili voce mandavit omnibus et singulis quorum interest aut intererit utriusque sexus hominibus tam presentibus quam futuris quatenus ex nunc in antea iam dicto Hermanno ad possessionem prefati altaris introducto et admisso et nulli alteri de omnibus et singulis bonis hereditariis fructibus redditibus iuribus et pertinentiis universis dicti altaris et ex dicto testamento legatis respondeant tamquam vero certo legitimo et indubitato dicti altaris rectori et possessori et ab aliis in quantum in eis est vel fuit procurent sibi satisfieri et responderi cum effectu in signum vere et realis possessionis dicti altaris atque iurium, reddituum et pertinentiarum eiusdem habite et adepte per domnum Hermannum predictum cum solempnitatibus ad hoc debitis et consuetis. Super quibus omnibus et singulis pretactis Petrus cousul, Hermannus scabinus seniores et domnus Hermannus rector dicti altaris prelibati petierunt et requisiverunt a me notario publico subscripto consimiliter ut supra sibi et ceteris pretactis fieri tria instrumenta publica in forma meliori. Acta sunt hec anno indictione mense die hora et pontificatu quibus supra circa dictum altare presentibus ibidem eisdem testibus iam proxime superius nominatis ad premissa eciam iterum vocatis specialiter et rogatis.
Karl Tücking: Urkunden und Akten aus dem Archiv der Klarissen zu Neuss. Schwann, Neuss 1896, Seite 44. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Urkunden_und_Akten_aus_dem_Archiv_der_Klarissen_zu_Neuss.djvu/44&oldid=- (Version vom 1.8.2018)
