ad idem altare censum hereditarium sex florenorum renen. aureorum et unum quartale floreni tollendum singulis annis Remigii et pasche de domo Johannis Robel brevis modiatoris in platea superiori Nussiensi iuxta domum Duimen situata. Item dedit et legavit hereditarie ad idem altare censum annuum et hereditarium quatuor florenorum renen. aureorum ponderosorum legalium et dativorum singulis annis Remigii et pasche tollendum de domo sua dicta Valkenstein in oppido Nussiensi versus foramen atrii situata. Item dedit deputavit et legavit hereditarie ad idem altare unam marcam braban. singulis annis terminis suis tollendam et recipiendam de bonis in Boetghe dictis Zyrbonen guet. sic scilicet quod illa bona pro amplius cum duplici censu et una manu acquiri debeant tempore sue vacantie a rectore huius altaris. Item pro habitatione ipsius rectoris dedit et legavit ad idem altare hereditarie quinque marcas braban. denariorum singulis annis Remigii et pasche tollendas de domo sua dicta des Voyrman huis in foro publico Nussiensi iuxta domum Zederwalt situata in omni suo iure. Item legavit ad idem altare semel dandos quinquaginta florenos renen. ponderosos pro specialibus calice et missarum ornamentis. Ad ista voluit et ordinavit idem testator perpetue unum idoneum presbiterum vel clericum sufficientis litterature, sue progeniei vel de progenie Heghe oriundum, bone fame et laudabilis vite provideri de huius modi altaris redditibus per venerabilem domnam abbatissam monasterii s. Clare Nussiensis et per honestos viros duos de senioribus scabinorum et consulum Nussiensium pro tempore existentium ad astringendum huius altaris rectorem sine aliqua mundi negligentia singulis ebdomadis secundis quartis et sextis feriis missas celebrare pro perpetua ipsius testatoris suorum parentum fratrum et carorum memoria, et si ex illis progeniebus non fuerit aliquis talis presbiter vel clericus idoneus, tunc de alia notabili progenie alius filius opidi Nussiensis sic provideri debet et astringi sine omni negligentia ad onus trium missarum septimanalium subeundum. Supradictum vero testamentum pretermissa hic causa brevitatis subscriptione Johannis de Heghe superius nominati sic finit presentibus ibidem dicto Petro Hasart, Johanne Vluygup campanario Nussiensi, Gerardo de Lach dicto Capuyn, Jacobo Rutgeri Voirman, Petro Mobach, Henkino Kemtte de Goyr et quam pluribus utriusque sexus hominibus in pressura circumstantibus premissorum testibus fide dignis. Super quibus omnibus et singulis premissis tam dicte partes quam domnus Hermannus Blyhof provisus petierunt et requisiverunt a me notario publico subscripto sibi scribi et fieri tria instrumenta publica unius tenoris utpote unum pro dicto conventu
Karl Tücking: Urkunden und Akten aus dem Archiv der Klarissen zu Neuss. Schwann, Neuss 1896, Seite 43. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Urkunden_und_Akten_aus_dem_Archiv_der_Klarissen_zu_Neuss.djvu/43&oldid=- (Version vom 1.8.2018)
