modo premisso offerenti consanguineo quondam Jacobi testatoris prelibati. Quocirca idem domnus Hermannus ibidem personaliter constitutus iuravit corporaliter ad mandatum et velle dictarum partium ad sancta dei evangelia tactis per eum imagine crucifixi et scripturis sanctis quod ex nunc in antea iam dictus domnus Hermannus vicariam dicti altaris cum iuribus bonis hereditariis redditibus et pertinentiis suis universis postquam possessionem realem eiusdem vicarie pacifice habuerit nunquam alibi debeat neque poterit a se alienare resignare munus nec permutare nisi de et cum expressis consensu assensu et voluntate partium predictarum et successorum earundem seu ad manus ipsarum. Preterea bona fide promisit dictus domnus Hermanus firma et valida stipulatione precurrente, quod idem tres missas supradictas ebdomadatim velit debeat per se vel alium pro et cum omni suo posse et nosse fideliter celebrare seu observare ad dictum altare aliaque onera prefate vicarie tolerare facere et iura sua defensare absque interesse et dampno dictarum partium et sine omnibus dolo et fraude. Quibus peractis memorate partes consonis vocibus nulla earum discrepante concorditer tamquam ex uno vive vocis oraculo omnibus melioribus modo via iure causa et forma quibus melius magis et efficacius potuerunt seu debuerunt vigori dicti testamenti tamquam pro hac vice collatores etc. dicte vicarie seu prefati altaris ut prefertur memorato domno Hermanno presenti et humiliter recipienti propter deum precipue et meritorum suorum intuitu prefatam vicariam seu dictum altare cum omnibus et singulis suis iuribus bonis hereditariis redditibus et pertinentiis suis universis contulerunt et sibi de eisdem omnimode in quantum in eis fuit et est providerunt ac conferunt et provident per presentes ipsumque domnum Hermannum provisum per libri traditionem, quem in manibus suis dicte partes conferentes coniunctim tenuerunt eidemque manu porrexerunt, realiter et presentialiter investiverunt de eadem seu eodem more solito et consueto cum protestatione solempni previa videlicet salvo iure libertate et offertorio dicte ecclesie s. Clare et conventus eiusdem ac iure dictarum partium successorum suorum opidique Nussiensis et cuiuscumque alterius persone, requirentes nichilominus prelibate partes et benigno affectu in Christo exhortantes et rogantes honorabilem virum domnum et magistrum Theodericum Joede licentiatum in medicinis pastorem in Greveroide et canonicum Nussiensem presbiterum dicte diocesis ibidem presentem, quatenus ex commissione earundem partium ipse domnus dictus Theodericus prefatum domnum Hermannum ad dictum altare seu vicariam eiusque possessionem realiter sibi assignandam prout moris est cum iuribus redditibus et
Karl Tücking: Urkunden und Akten aus dem Archiv der Klarissen zu Neuss. Schwann, Neuss 1896, Seite 41. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Urkunden_und_Akten_aus_dem_Archiv_der_Klarissen_zu_Neuss.djvu/41&oldid=- (Version vom 1.8.2018)
