Von theils Mauthausen / vnd Maidthausen genant / ein feiner Ober-Oesterreichischer Marckt-Fleck / 3. meil wegs vnterhalb Lintz / an der Thonau / gelegen / vnd der Zeit Herrn Graven von Gebrian / wegen seiner Gemahlin / einer Grävin von Meggau; wie berichtet wird / gehörig; davon / vnnd dem Scherffenbergischen oberhalb / vnnd auch an der Thonau gelegenen Schloß Spilberg / vnd dabey dem gefährlichen Ort im gemeldten Fluß / der Neue Bruch genant / vnnd gegenüber dem Arm der Thonau / so man den Heßgang heisset / vnser Text / p. 55. zu lesen ist.
Von theils Mattern / vnd Matran / genant / ein Marcktfleck in Tyrol / drey meilen von Insprugg gelegen.
Ein Marcktfleck / vnnd Schloß / an der Drab / zwischen Draaburg / vnnd Merenberg / im Hertzogthum Steyer gelegen.
Ein Stättlein in Vnter-Oesterreich / an der Thonau / gegen der Statt Stein über / dahin eine lange hültzerne Brücken / von 32. oder 33. Jochen / gehet; vnd ist solches Stättlein Mautern dem Bisthum Passau gehörig. Sihe vnsern Text / p. 34. vnnd daselbst auch von dem / ein wenig vnterhalb / vnd gegen Crembs über gelegenen hohen / vnnd vesten / auch reichen Closter Götwich / oder Gotvico, ins gemein Ketwein genant.
Sonsten ist ein Mautern / so aber nur ein Marckt-Fleck / in Ober-Steyer / zwischen Rotenmann / vnd Leobm / gelegen.
So ist auch ein Mautern / in Kärndten / oberhalb Lientz / vnd nahend dem Karntaurn / so auff Windisch Matray genant wird / vnd ein anders Matray, als das Tyrolische hie oben ist.
Ein vornehmer Marckt-Fleck in Vnter-Oesterreich / gegen der Statt Badenwerts / vnd auff die Steyrmarch zu gelegen; davon im Text / p. 55. seq.
Ein berühmtes / reiches / vnd vestes Benedictiner Closter / auff einem felsichten Hügel / in Vnter-Oesterreich / vnd gar lustig; das darzu gehörige Stättlein aber / gleiches Nahmens / vnten / an der Thonau / gelegen; davon im Text / p. 26. seqq.
Ein wolbekante Statt / im Etschland / zu Tyrol gehörig; davon im Text / p. 146. seq. vnd daselbst auch von dem nahend gelegenen Hauptschloß Tyrol; item / von Mätsch.
Eine Landsfürstliche Statt im Hertzogthum Crain / an der Kulp / oder Colapi, von der im Text / p. 123.
Ein ansehenliches Closter / vnnd Kirch / an dem See gleichen Nahmens / vnnd im Hertzogthum Kärndten / gelegen; allda der Hochmeister deß S. Georgen Ordens / seine Residentz hat. Sihe den Text / p. 101. a. Es berichtet Einer / daß die Jesuiten allhie / wie auch zu S. Bernhart / Eberndorff / vnd Plettria / Residentzen haben.
Ein wolgebauter Marckt-Fleck in Vnter-Oesterreich / gegen Mähren / vnnd sechs meilen von Wien / gelegen; den theils ein Stättlein nennen. Sihe den Text / pag. 56.
Matthäus Merian: Topographia Provinciarum Austriacarum. Frankfurter Kunstverein, Frankfurt am Mayn 1679, Seite 434. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Topographia_Austriacarum_(Merian)_434.jpg&oldid=- (Version vom 1.8.2018)
_434.jpg&oldid=-){kind=link}
_434.jpg&oldid=3396360){kind=link}