Ein Cistertzer Closter in Ober-Oesterreich / nahend dem Schloß Clam / vnd dem Stättlein Grein / nicht sonders weit von den Vnter-Oesterreichischen Gräntzen / gelegen.
Ein Marckt in Ober-Oesterreich / vnterhalb Matthausen / gegen Vnter-Oesterreich / gelegen; davon im Text / pagina 50.
Ein wolverwahrtes Schloß / der Zeit / sampt dem Schloß Scharnstein / vnd zugehörigen in Ober-Oesterreich gelegenen Herrschafften / dem reichen Closter Crembs-Münster / zuständig; so vorhin Freyherrlich Jörgerisch gewest seyn.
Eygentlich Lack genant / so den Zunahmen Bischoffs-Lack bekommen; weiln solche im Hertzogthum Crain gelegene Statt / vnd Schloß / dem Bisthum Freysing / in Bayern / sampt einer grossen Herrschafft / vnd sehr vielen Dörffern / gehörig ist; davon im Text / p. 117.
Ein Stättlein / vnd Schloß / in Tyrol / an dem Fluß / Ryencz 5. Meilen / (dann also ist vnser Text / am 137. blat / zu corrigiren.) Von Innichen gelegen / vnd dem Bisthum Brixen zuständig. Sihe davon / vnd dem benachbarten Benedictiner Nonnen-Closter Sonnenberg / den berürten Text.
Sihe von dieser Bischofflichen / auch in Tyrol gelegnen Statt / vnd dem Bisthum selbsten / den besagten Text / p. 137 seq. dessen Monatlich einfacher Reichs-Anschlag ist 14. zu Roß / vnd 91. zu Fuß / oder an Gelt 532. fl. welchen Anschlag das Haus Oesterreich / als Schirms-Herr / an deß Bischofs statt / erlegt; aber zu Vnterhaltung deß Cammer-Gerichts zu Speyer / gibt der Herr Bischoff allhie / als ein Reichsfürst / so Stimm / vnd Sitz / bey den Reichs-Tägen hat / Jährlich selbsten ordinariè 60. cum augmento aber 100. Gülden. An. 1641. auff dem Reichstag zu Regenspurg / ward wegen dises Stiffts / geklagt / daß die Erthertzogin zu Insprugg / Fraw Claudia, dasselbe anders nicht / als vor ihren Landsassen / vnd Vnterthanen halten / sich darüber deß Juris superioritatis anmassen / deß Juris collectandi gebrauchen / Sammelplätze darinnen geben / die Stiftische Vnterthanen / gleich den Tyrolischen belegen / auch die Stiftische Vnterthanen / gleich den Tyrolischen belegen / auch die Stifftische Beampten beschreiben wolle. Siehe hievon / vnnd was / an seiten Oesterreich / hierwider vorgebracht / oder geantwort worden / H. Limnaeum, tom. 4. de Jure publico etc. p. 687. seqq. bey nächstem Reichstag zu Regenspurg / ist Herr Anthonius / Bischoff allhie / durch Gesanten erschienen; der dem Anno 1641. erwöhlten Bischoffen Johanni vielleicht succedirt haben wird; welcher Bischoff Johannes, wie einer schreibt / beeder Rechten Doctor gewesen ist.
Dieses Nahmens sein etliche vornehme Ort in den Oesterreichischen Landen; als /
1. Bruck an der Leytha / in Vnter-Oesterreich / an den Vngarischen Gräntzen / Statt vnd Schloß / Herrn Graven von Harrach / als ein Pfandschilling / gehörig.
2. Bruck an der Föckla / ins gemein Föcklabrugg / oder Vöcklabruck / genant / so eine auß den sieben Lands-Fürstlichen Stätten in Ober-Oesterreich ist. Sihe von disen beeden / auch andern herumb gelegenen Orten / vnsern Text / p. 12. seq..
3. Bruck an der Mur / eine Landsfürstliche Statt / vnd Schloß / an dem Fluß Muer / im Hertzogthum Steyer; davon im Text / p. 66.
Matthäus Merian: Topographia Provinciarum Austriacarum. Frankfurter Kunstverein, Frankfurt am Mayn 1679, Seite 390. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Topographia_Austriacarum_(Merian)_390.jpg&oldid=- (Version vom 1.8.2018)
_390.jpg&oldid=-){kind=link}
_390.jpg&oldid=3396333){kind=link}