Als man zalt nach cristi gepurd M.cc. vnd xvj iar / den sein vater vast claget von seiner tugent wegen / Vn[d] ward von hertzog Lewpolden seinem vater gar ersamklich bestatet zuo der erden in dem closter zuo Closternewburg.
d. [Heinrich der Grausame]
HEinrich genant von Medling der grausam[1] / ain grymer vngütiger fürst / herrn lewpolds des ernreichen hertzoge[n] zuo österreich vn[d] zuo Steir ander sun / hielt sein fürstlichs geseß auf der purgk zuo medling / vn[d] ward gena[n]t hertzog Heinrich von medling / vn[d] besaß die güter vnder dem gepirg mit iren zuogeherungen / die her heinrich von medling der elter / vn[d] her heinrich von medling der jünger seinen vetern innen hielt / Vnd fieng die selben herschafften vn[d] güter an zuo regiere[n] / Als man zalt nach cristi gepurd M.cc. vn[d] etliche iar. bey seines vatern lebtagen / vnd als man zalt nach cristi gepurd m.cc. vnd xxv iar. warde dem benanten hertzog Heinrichen vermahelt fraw Richkart / herren Ludwigen landgrafen zuo Düringen sant Elspete[n] gemahel swester / Vnd die bemelt fraw Richkart / het mit irem gemahel hertzog Heinrich / ain ainige erbtochter / genant fraw Gerdrut von medling / von der hernach geschriben stet / Vn[d] der bena[n]t hertzog Heinrich hielt mit der bestimbten fraw Richkarte[n] gar ain schöne fürstliche hochzeit in der stat Nürnberg / vn[d] auf den selben tag / hielt herr heinrich Rö[mischer] künig kayser Fridrichen des andern sun / mit fraw margrethen des bemelten hertzog Hainrichs swester / auch ain künigcliche hochzeit in der bemelten stat Nürnberg / do wz grosse freüd vn[d] kostlichkait / mit renen vn[d] stechen vn[d] allem ritterspil / Vnd als man zalt nach cristi gepurd m.cc. vn[d] xxvj iar. Setzet sich der benant hertzog Heinrich vo[n] medling wider hertzog Lewpolden seinen vater / aus rat vn[d] hilf etlicher poshaftigen hern aus österreich / vn[d] gewan im haimlichen an Hainpurgk stat vn[d] sloß / vnd sties fraw Theodoren sein muoter mit sambt irem frawenzymer gar smalich aus de[m] benanten sloß Hainburgk / Aber hertzog Lewpold seinn vater gewan die bemelt stat vnnd gsloß kurtzlich herwider / Dar nach stellet der benant hertzog Heinrich seinem vater vn[d] muoter in manichen weg / nach ir leib vnd guot / Aber der almechtig got behüttet sy allweg vor im / Petrus de vineis[2] tuot meldung in seinen episteln / von des benanten hertzog Heinrichs poshaiten / des geleichen ettliche annal vn[d] Croniken / vn[d] nach cristi gepurd m.cc. vn[d] xxvij iar. verschied der bemelt hertzog Heinrich von medling der grausam aus diser welt / drey iar vor seinem vater / Vn[d] ward begraben zuo Closternewburg im Closter / vn[d] nach im auch fraw Gertruden seiner tochter tod / gefielen die herscheften vn[d] güter vnder dem gepirg widerumb zuo dem land österreich / Aber fraw Richkart hertzog Heinrichs gemahel genant Landgrefin von Walterstarf / ligt begraben in dem Closter zuo dem heiligen krütz bey fraw Gerdruten vo[n] Praunswig / hertzog Fridrichs von österreich des streitperen / des benanten hertzog Heinrichs bruoder gemahel in ainer begrebnüß / Verliessen hinder in / fraw Gerdruten von medling ir ainige tochter von der hernach volget.
e. [Fridrich II. der Streitbare]
FRidrich genant der streitper[3] / ist gewesen ain manlicher streitper fürst Vnd herrn Lewpolds des ernreichen hertzogen zuo österreich vnd zuo Steir der drytte sun / dem ward vermahelt Als man zalt nach cristi gepurd m.cc. vnd xxvj iar. fraw Gerdrut seyn erster gemahel ain tochter aines
- ↑ Heinrich „der Grausame“, auch „der Gottlose“ (1208–1228)
- ↑ Petrus de Vinea (* um 1200, † 1249), Kanzler Kaiser Friedrichs II.
- ↑ Friedrich II. „der Streitbare“ (1211–1246)
Ladislaus Sunthaym: Der löblichen Fürsten und des Landes Österreich Altherkommen und Regierung. Basel (bei Michael Furter): –, 1491, Seite 26. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Sunthaym_Der_l%C3%B6blichen_1491_26.jpg&oldid=- (Version vom 1.8.2018)