|
Ferdinand II.: Abtruck / Einer Käyserlichen Declaration. So Ihre Käyserl: May: wegen deß Geistlichen vorbehalts / beym ReligionsFrieden / unnd daher rührenden restitution, der Geistlichen Gueter herauß kommen lassen / auch nachzutrucken anbefohlen |
|
|
Religion, als Sie selber weren / anzuhangen / Welches Ihnen auch mheer wolbesagter vnser freundlicher geliebter Anherr / Käyser Ferdinands L. mit mehrerm / staatlich vnnd beweglich zu Gemuete führen lassen / mit dem außtrücklichem anhange / Daß / daferne die Handlung dahin solte gemeinet seyn / daß man auch der Catholischen Vnterthanen wolte darein ziehen / es einen kurtzen Weg hette / vnnd gantz vnnötig were / einander länger auffzuhalten / Dann einmahl würden Ihre Ld.[1] eher alle Handlung zerschlagen lassen.
Alß aber die Stände Augspurgischen Confession, nichts desto wenniger die Freyheit deß Gewissens starck urgiret, Haben ihnen die Catholische endtlich so weit nachgeben / daß den Vnterthanen frey seyn solle auß dem Lande zu ziehen / Darauff gemeldte Stände die obgedachte clausul fallen lassen / vnd die Sache mit Ihrer L. vnd den Catholischen verglichen / Wie sie heut zu Tage im ReligionFrieden stehet / im §. Es soll auch etc. Nemlich / das kein Standt den andern / noch derselben Vnterthanen / zu seiner Religion tringen/ abpracticiren, oder wieder jhre Obrigkeiten / in schutz vnd Schirm nehmen / noch vertheidigen soll / in keinen weg.
Item / wo aber Ihre Käyserl. May. der Churfürsten / Fürsten vnd Stände Vnterthanen der alten Religion, oder Augspurgischer Confeßion anhängig / von
Ferdinand II.: Abtruck / Einer Käyserlichen Declaration. So Ihre Käyserl: May: wegen deß Geistlichen vorbehalts / beym ReligionsFrieden / unnd daher rührenden restitution, der Geistlichen Gueter herauß kommen lassen / auch nachzutrucken anbefohlen. Johan Hallervord, Rostock 1629, Seite 28. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Restitutionsedikt_VD17_3-626243N.pdf/33&oldid=- (Version vom 1.8.2018)
- ↑ Ld., L. = Liebden
