unse huys, dat genant is zo Lovenbergh, boyven muren geleigen, vur ind achten, unden ind oyven, as dat ymme schryne clierlichen geschreven steit, vur eynen wislichen erflichen jeerlichen zyns, dat is mit namen die yrste drey jair nyest volgende na datum dis briefs, yeklichs der dryer jair eyn, vur nuyn ind zwenzich rynsche gulden gut van goulde ind swair van gewichte, davan dat sey uns eyne helfte verrichten ind waile bezalen soilen zo paischen, ind die ander helfte zo sent Remeys missen, vier wechen na yeklichme termyne vurschreven nyest volgende onbevangen, mit alsulchen vurwerden, dat die vurgenante Johan ind Styngyn of yre erven in ussgange ind up den lesten termyn sent Remeys missen der yrster dryer jaire vurschreven uns of unsen erven, eyne mit vunfziendem halven rynschen gulden van dem halven jair zynse geboirende, verrichten ind waile bezalen soilen vierhundert gude swair rynsche gulden, of bynnen eynen maende na dem vurschreven sent Remeys dage nyest volgende onbevangen. Ind wanne uns die bezalinge der vierhundert rynscher gulden mit dem halven jair zynse vurschreven also geschiet is, so soilen alsdan vortan erflichen ind zo ewigen dagen die vurgenante elude Johan ind Styngyn ind yre erven uns ind unsen erven van deme vurgenanten huyse zo Lovenbergh geldende blyven zwenzich gude swair rynsche gulden, zerzyt der bezalingen genge ind geve, erflichs geltz ind veerlichs zyns, davan sy uns alle jairs eyne helfte bezalen soilen zo paischen ind die ander helfte zo sent Remeys missen of bynnen vier wechen na yeklichme termyne nyest volgende onbevangen, wie vurschreven is, ind darup soilen wir of unse erven die vurgenante elude Johan ind Styngyn of yre erven an dat vurschreven huys zo Lovenbergh mit synen zobehoiren in dat schryn zo geschrichte brengen, as in Coelne erfs recht ind gewoende is. Ind were ouch sache dat die vurgenante elude Johan ind Styngyn of yre erven uns of unsen erven die vurschreven vierhundert rynsche gulden up die vurschreven zyt nyet enbezailden, so moigen sy die behalden eyn jair lank na den vurschreven dryn yrsten jairen volgende, ind darumb soilen sy uns des selven jairs van deme vurschreven huyse zo zynse geven sees ind drissich gude swair rynsche gulden up die vurschreven zwene termyne zo bezalen, ind na dem vurschreven eynen jair ensoilen die vurgenante elude Johan ind Styngyn ind yre erven der vierhundert rynscher gulden vurschreven geynen langeren dach haven ind soilen uns die mit dem erschenen (termyne) onbezailden zynse genzlichen verrichten ind waile bezalen, aen eynge wederreide. Ind were sache dat sy des nyet endeden, so soilen sy uns dan vort van dem vurschreven huyse die vurgenante sees ind drissich rynsche gulden jeerlichs zyns geldende blyven, biz as lange dat wir yn die vurgenante vierhundert rynsche gulden mit dem zynse na der zyt geboerende gerichtlichen angewonnen hain. Ind as uns davan voldaen ind genoich geschiet is, so soilen wir sy an dat vurschreven huys zo geschrichte brengen vur die vurschreven zwenzich rynsche gulden erflichs geltz in alre wys, formen ind maneren, as vurschreven is. Ouch ist gevurwert, oft sache were dat die vurgenante elude Johan ind Styngyn of yre erven dat vurschreven huys zo Lovenbergh namails vryen weulden van den zwenzich gulden erflichs geltz vurschreven, dat soilen sy mit rechte wail moigen doin, as verre sy uns davan bewysent zyn rynsche gulden
Johann Jakob Merlo: Haus Gürzenich zu Köln, sein Saal und dessen Feste. Selbstverlag des Verfassers, Köln 1885, Seite 72. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Merlo_-_Haus_G%C3%BCrzenich_zu_K%C3%B6ln_-_72.jpg&oldid=- (Version vom 1.8.2018)
