Seite:Literarischer Verein Stuttgart IX 264.png

	Verschiedene: Bibliothek des Literarischen Vereins in Stuttgart (Band IX)

3.

Ich wande senftern minen mv̊t(H. 1, 307^b)

so ich verre von ir were
vnd daz ich ir vergeze gar
nv ist mir dc zemv̊te gv̊t
wan dc ie grozer ist min swere
so ich ie verrer von ir var
herre got wie solte ich ir vergezzen
ich wil si glich der svnnen mezzen
die siht man allenthalben glichen
also tv̊n ich swar ich var die reinen gv̊ten selden richen.

4.

Er dvnket mich ein kvͤne man

der einem wisen wibe
vmbe ir minne dienen wil
vnd er sich niht enthalten kan
weder an mv̊te vnd an libe
so ist sin swere gar ir spil
weren die anderen wise alse dv͛ mine
dvr die ich dicke in seneden sorgen schine.
doch weiz ich wol dc toren sinne
vil selten hant erworben reinen wisen wibes minne.

5.

     Sich vreut meneger ingegen der wunneclichen zit§     (H. 1, 308^b)

ich enweiz wes ich mich vroiwen sol.
die wile mir der kvmber so^[1] herzen lit.
den ich von der minnenclichen dol.
nv entroͤstent mich die liehten tage
noch swaz ich von den blv̊men sage
vnd hilfet niht der vogele sanc
mir ensi div kvrze naht zelanc.

6.

Mir ist selten herzelibes iht geschehen

da von bin ich selten vro.
ich han gv̊ter wibe vil gesehen
von den allen schied ich eine so.
dc ich betwungen wande sin

1. ze fehlt.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 264. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_264.png&oldid=- (Version vom 7.1.2019)