Seite:Literarischer Verein Stuttgart IX 249.png

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Verschiedene: Bibliothek des Literarischen Vereins in Stuttgart (Band IX)

dc gv̊te gewinne
sint ein teil ze spete.
da von min herze in swere lit
betwungen waz ez iemer sit
noch wurde ez vro. leiste noch dv͛ schone des ich bete.

3.

Mir were starchez herzen not

ich trage so vil
der kvmberliche swere
noch sanfte tete mir der tot.
danne ich ez hil
deich alsvs gevangen were.
ich leiste ie swaz si mir gebot
vnd iemer wil.
wie vngern ichz inbere
dv͛ zit hat sich verwandelot
der svmer bringet blv̊men rot.
min wurde rat wolte si mir kvnden liebv͛ mere.

4.

Solt ich an vreiden nv verzagen

dc wer ein sin
der nieman wol gezeme
er mv̊z ein stetez herze tragen.
alse ich nv bin
der mich da von beneme
er mv̊ze zovverliste han.
wan min gewin
sich hv̊b alse er mir keme
sin langes fremeden mv̊z ich clagen
dv solt ime lieber bote sagen
den willen min. wie gerne ich in sehe sine vreide noch verneme.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 249. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_249.png&oldid=- (Version vom 7.1.2019)