Seite:Literarischer Verein Stuttgart IX 232.png

	Verschiedene: Bibliothek des Literarischen Vereins in Stuttgart (Band IX)

4.

Ez zimpt wol helden dc si vro nach leide sin.

kein vngelvcke wart nie so groz da were bi
ein heil des svln wir vns versehen.
vns mac wol vrome nach schaden geschehen.
wir haben verlorn ein veigez gv̊t vil stolzen helde enrv̊chet.
dar vmbe svln wir niht verzagen ez wirt noch baz versv̊chet.

5.

Waz fromt dem rosse dc ez bi dem vůter stat.

vnd einem wolve dc er bi den schafen^{[WS 1]} gat.
der in dv͛ beide tvͤre tv̊t
so ist ez ienim^[1] also gv̊t.
der veile vindet swaz er wil. vnd des niht mac vergelten.
ein lieht in vremedes mannes hant^[2]

6.

vnd vert zewalde spvrn so der sne zergat

vnd kǒfet vngeschowet vil
(Bl. 27^b) vnd altet^[3] gerne verlornv͛ spil
vnd dienet einem boͤsen man. da ez ane lon belibet
dem wirt wol after rv͛we kvnt obers die lenge tribet.

7.

Swer lange dienet da man dienst niht verstat(H. 2, 372^b)

vnd einen vngetruwen mitteslvzel hat.
vnd einen valschen nahgebvr
dem wirt sin spise harte svr.
obe er sich wil also betragen dc er armen niht verdirbet.
dc mv̊z von gottes helfe komen wan er mit truwen wirbet.

8.

Dv͛ selde dringet vur die kvnst dc ellen gat.

vil dicke nach dem richen zagen in swacher wat.
erst tvmp swer gv̊t vor eren spart.
zvht dv͛ wellent grawen bart
tru͛we machent werden man vnd wise schone vrage.
liebe meistert wol den kovf. so scheidet schade die mage.

9.

Wan sol einen biderben man. wol drizzic iar.

dar vf behalten. dc ich vch sage dc ist war
obe man dem herren widersage.

1. So, lies einem.
2. Hier fehlt daz vreut den blinden selten; ebenso die erste Zeile der folgenden Strophe: Swer einen friunt wil suochen da er sîn niht enhât.
3. Lies haltet.

Anmerkungen (Wikisource)

1. Vorlage: schasen (korrigiert nach S. 296).

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 232. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_232.png&oldid=- (Version vom 7.1.2019)